Alda turǵan basty mindetterdiń biri – aýyldardyń ınfraqurylymyn damytý. Osyǵan sáıkes, bıyl Maılın aýdanyndaǵy Krasnoselskıı jáne Maıskıı eldi mekenderine ortalyq sý jelisi tartylady. Al Elızavetenka aýylynda jańa medısına mekemesi boı kóteredi.
Depýtattar Ývalnyı aýylynyń mańyndaǵy «Lenınsk mal sharýashylyǵy kesheni» seriktestigine de bardy. Zamanaýı ferma 12 myń talpaq tanaý ósiredi. Eldi mekenderden shalǵaıda, ońasha jerde ornalasqan ferma óz ónimderin et jáne shujyq túrinde saýdalaıdy. Sondaı-aq depýtattar atalmysh seriktestiktiń sharýashylyǵymen tanysyp, jumysshylarymen kezdesti. Munda jumys isteıtin jumysshylar jumys kestesi men mamandyǵyna qaraı 120 myń teńgeden 250 myń teńgege deıin jalaqy alady.
Májilis depýtattary Albert Raý men Samat Aqyshev fermer usynyp otyrǵan jobanyń mańyzdy ekenine toqtalyp, qoldaý kórsetýge ýáde etti. Aýyl turǵyndarymen kezdesý barysynda depýtattar Beıimbet Maılın aýdanynda Amanat partııasynyń saılaýaldy baǵdarlamasy nátıjeli júzege asyrylyp jatqanyn tilge tıek etti.
Qostanaı oblysy
