Tarazdaǵy alyp óndiris «Qazfosfat» zaýytynda tehnıkalyq apat bolyp, odan shyqqan qoıý tútin qala kóshelerine jaıyldy. Oblystyq ekologııa departamentiniń mamandary kásiporyn jumysyn ýaqytsha toqtatpaq. Sebebi, aýaǵa zııandy kúkirt sýteginiń mólsheri shamadan tys tarap ketken kórinedi. Bul jaǵdaı táýligine eki ret qaıtalanǵan.
«Sanıtarlyq qoǵaý aýmaǵynan synama alynyp, ol jerde kúkirt sýtek zııandy zattar anyqtalyp, normadan tys asqany anyqtaldy. Qazirgi tańda jospardan tys tekseris daıyndalyp jatyr. Zerdeleý jumystary júrgizilip jatyr. Jóndegenge deıin zaýyt jumysyn ýaqytsha toqtatatyn shyǵarmyz», dedi Jambyl oblysy ekologııa departamentiniń bólim basshysy Serik Nurbaev.
Zaýyt mamandary da bolǵan oqıǵanyń sebepterin anyqtap jatyr. «Qazfosfat» JShS bas ekology Arman Qaraǵalıevtiń aıtýynsha, zaýyt zerthanasynda zertteý júrgizilgen, sanıtarlyq ýchaskeler men qala mańynda dozanyń shamadan tys asqany tirkelgen joq.
«Qazfosfat» JShS bas dırektory Nurlanov kúkirt-qyshqyl sehynda paıda bolǵan aqaýdy joıý, sondaı-aq aldaǵy ýaqytta mundaı jaǵdaıdy boldyrmaý boıynsha qajetti is-sharalar ótkizýdi tapsyrdy.
Qazirgi ýaqytta mıneraldy tyńaıtqyshtar zaýyty shtattyq rejımde jumys isteıdi.
