Turǵyn úı saıasatyndaǵy tyń tásil

Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti turǵyn úı qatynastary bas­qarmasynyń basshysy Sultanǵalı Jal­qul­dyń aıtýynsha, sýbsıdııalaý baǵ­darlamasy bastalǵaly beri tur­ǵyndardan 27 839 ótinim kelip túsken. Bul – 13 shildedegi derek. Sonyń 6 918-i maquldanǵan. 1 159 ótinim tekserilip ja­tyr. 1 272 ótinish ıesiniń tabysy eń tó­men­gi kúnkóris deńgeıinen asyp ketken. 1 278 ótinim júıeden joıylsa, 2 943 qa­tysýshy ótinishterin qaıtaryp alǵan.

– 13 075 ótinim boıynsha bas tartyldy. Árıne sebepteri ártúrli. Olardyń kópshiligi tirkeý kezinde SMS arqyly jiberilgen kodty engizbegen. Keıbiri­niń jeke kýáliginiń jaramdylyq mer­zimi aıaqtalǵan, keıbiriniń atynda jyljymaıtyn múlik bolǵan. Memlekettik kirister komıtetinde qaryzy bar adam­dardyń ótinishterine de teris jaýap be­rildi. Endi bireýler kezekte turǵandar tiziminde nemese azamattardyń mobıldi bazasynda joq bolyp shyqty, – deıdi Sultanǵalı Jalqul.

Basqarma basshysynyń aıtýynsha, jaldaý aqysyn sýbsıdııalaý baǵdar­la­masynyń sharttaryna sáıkes keletin qa­zaqstandyqtar otbasybank.kz platformasy arqyly ótinim bere alady.

– Tórt sanat boıynsha turǵyn úı kezeginde turǵan azamattar jaldaý tó­lem­­deri boıynsha memleket qol­daýyna úmitker bola alady. Tórt sanat dep otyr­ǵanymyz – 1 jáne 2 toptaǵy múgedek­ter; múmkindigi shekteýli balalardy tárbıelep otyrǵan otbasylar;  jetim balalar jáne kópbalaly otbasylar. Sońǵy 6 aıda jaldaý boıynsha sýbsıdııa alýǵa úmitker otbasylardyń ortasha aılyq jıyntyq tabysynyń mólsheri otbasynyń árbir múshesine shaqqanda eń tómengi kúnkóris deńgeıinen aspaýǵa tıis. 2022 jyldyń 1 qańtaryndaǵy jaǵdaı boıynsha eń tómengi kúnkóris deńgeıi 36 018 teńgege teń, – dep naqtylady Sultanǵalı Jalqul.

Eske sala keteıik, el azamattaryn qoldaý úshin 2022 jyly 50 mlrd teńge qarastyrylǵan. Onyń 40 mlrd teń­gesi respýblıkalyq bıýdjetten, 10 mlrd teńgesi jergilikti ákimdikterden bólingen. Osylaısha, turǵyn úıdi jalǵa alǵany  úshin tóleıtin aqynyń 50 pa­ıyzyn memleket ótep beredi. Joba aıasynda shamamen 70 myń adamdy qamtýǵa múmkindik bar.

– Sýbsıdııalaýǵa arnalǵan ótinimder elektrondy sıfrlyq qoltańba (ESQ) kómegimen qabyldanady. Sondyqtan azamattarǵa ony aldyn ala alý nemese qoldanystaǵy ESQ-nyń ózektiligin tekserý mańyzdy. Turǵyndar jalǵa beriletin turǵyn úıdi ózderi izdeıdi. Turǵyn úıdi jalǵa alý boıynsha sýbsıdııalardy Otbasy bank aı saıyn jaldaý shartynyń jáne tólemder kestesiniń qoldanylý merzimi aıasynda tóleıtin bola­dy. Shartty merziminen buryn buzý­ǵa jáne jańa jalǵa berýshimen shart ja­sasýǵa bolady. Ol úshin otbasybank.kz por­­talynda ótinim berý prosesin qaı­ta­dan bastaý kerek, – deıdi basqarma basshysy.

Atap óterligi, Otbasy bank sýbsıdııa alýshylardyń sharttarǵa qanshalyqty sáıkes keletindigine jyl saıyn, al tólem tártibine aı saıyn monıtorıng júrgizedi. Al jergilikti ákimdikter toqsanyna keminde bir ret jalǵa beriletin turǵyn úılerdi jáne onda turatyn adamdardy tekserip otyrady. Jaqyn týystardan, burynǵy erli-zaıyptylardan jáne erli-zaıyptylardyń týystarynan turǵyn úıdi jalǵa alýǵa, sondaı-aq bul turǵyn úıdi qaıta berýge tyıym salynady.

Mınıstrliktiń deregine súıensek, bıyl respýblıka boıynsha 15,1 mln sharshy metr nemese 138 myń turǵyn úı salý josparlanýda. Onyń ishinde kópqabatty úılerde 90 myńnan astam páter jáne 47 myń jeke turǵyn úı paıdalanylýǵa berilmek. Júrgizilip jatqan turǵyn úı saıasaty sheńberinde 7 myńnan astam azamat satyp alý quqyǵynsyz jalǵa beriletin turǵyn úımen qamtamasyz etiletin bolady. Dáli­rek aıtsaq, áleýmettik osal sanat­taǵy kezekte turǵandar úshin 4 myń páter jáne jumys isteıtin jastar úshin 3 myń páter qarastyrylmaq.

Sonymen qatar óńirlerde kezekte turǵandar úshin Otbasy banki arqyly satylatyn kredıttik turǵyn úıdiń 9,8 myń páteri salynýda. Budan basqa, «Baqytty otbasy» baǵdarlamasy bo­ıynsha jeńildetilgen qaryzdar túrin­degi memlekettik qoldaý sharalarymen 5 myńnan astam kezekte turǵandardy qam­tý josparlanǵan.

Qazirgi kúni ákimdikterde turǵyn úıge muqtaj 613 myńnan astam azamat kezekte tur. Sonyń 222 myńy – joǵary­da kórsetilgen 4-sanattaǵy azamattar. Onyń ishinde 69 535 – tabysy eń tómengi kúnkóris deńgeıinen tómen otbasylar, 50 593 – kópbalaly otbasylar, 1 933 – jetim balalar, 9 686 – 1 jáne 2-toptaǵy múgedektigi bar adamdar jáne 6 963 – múgedek balasy bar otbasylar.

Sondaı-aq Otbasy bankiniń bazasynda «turǵyn úımen qamtamasyz etý ortalyǵyn» qurý josparlanýda. Ol sanattarǵa qaramastan, respýblıka aýmaǵynda turǵyn úıi joq barlyq muqtajdardy ortalyqtandyrylǵan túrde esepke alýdy júzege asyrady.

– Usynylyp otyrǵan jańa modelde turǵyn úı jaǵdaılaryn jaqsartý jónindegi memlekettik qoldaý sharalary esepke qoıý kúnine, tabystyń bolýyna jáne berilgen ótinimge baılanysty júzege asyrylatyn bolady. Tutas­taı alǵanda, bul jańashyldyqtar halyq­ty turǵyn úımen qamtamasyz etýdiń tıimdiligin arttyrýǵa, azamattardyń turǵyn úı alý rásimin ońtaılandyrýǵa, sondaı-aq azamattardyń barlyq sanattary arasynda turǵyn úıdi ádil bólýdiń biryńǵaı tetigin engizýge múm­kindik beredi, – deıdi Sultanǵalı Jalqul.