A.Oralov búginde «Jastar rýhy» Qazaqstan boıynsha 100 myńnan asa jas azamatty biriktiretinin, olardyń 90 paıyzy óńirlerdegi belsendiler ekenin atap ótti.
«Memleket basshysy Qasym-Jomart Toqaev sezd delegattaryna arnaǵan úndeýinde Otanǵa qajet ári paıdaly bolýǵa umtylý – árbir adamnyń maqsaty bolýǵa tıis ekenin atap ótti. Bul is-shara jastardyń birligi men yntymaǵyn aıqyndady. «Jastar rýhy» jastar úshin tolyqqandy áleýmettik lıft bolatynyna kámil senemin», dedi Amanat partııasynyń Atqarýshy hatshysy.
A.Oralovtyń pikirinshe, jas azamattar qýat-kúshimen, Jańa Qazaqstandy qurýǵa belsendi qatysýymen Prezıdent bastamasymen qolǵa alynyp jatqan reformalardy tıimdi iske asyrýǵa óz úlesin qosady.
О́z kezeginde qyzylordalyq delegat Nurbol Serikbaı sezde partııanyń jastar qanatyn odan ári damytý úshin mańyzdy sheshimder qabyldanǵanyn atap ótti.
«Uıymnyń ataýy ózgergeni onyń 20 jyldan astam ýaqyt tarıhyndaǵy jańa kezeńdi bildiredi. Búginde elimizde tereń reformalar júrip jatyr. Jastar osy ózgeristerdiń bel ortasynda bolýǵa tıis», dedi ol.
Aqmola oblysynan kelgen Zarına Qaıyrjannyń aıtýynsha, Jas Talks alańynda qyzyqty spıkerler boldy. «О́zge óńirlerdiń jastarymen kezdestik. Tájirıbe almasyp, óz ıdeıalarymyzben bólisip qana qoımaı, basqa qalalardan kelgen áriptesterimizdiń usynystaryn talqyladyq. Jastar qanatyn transformasııalaý baǵdarlamasyn eskere otyryp, alǵa qoıǵan mindetterdi iske asyrý úshin tyń kúsh-qýat pen erekshe shabyt aldyq», dep atap ótti Z.Qaıyrjan.
Nur-Sultannan kelgen delegat Erlan Marat sezd jumysynyń beıresmı bóligin joǵary baǵalady. «Plenarlyq otyrystan bólek, óte mazmundy baǵdarlamalar boldy. Iаǵnı aqparattyq trenıngter, semınarlar, qyzyqty mádenı baǵdarlamalar uıymdastyryldy. Alaýdyń aınalasynda otyryp, gıtaramen án shyrqadyq», dedi E.Marat.
Aqmola oblysynyń Zerendi aýylynda ótken sezd jumysyna barlyq óńirden 350-den astam delegat keldi. Qatysýshylar úshin bilim berý trenıngteri uıymdastyryldy. Belgili memleket jáne qoǵam qaıratkerleri Jas Talks ashyq dıalog alańynyń qonaǵy boldy.
Kezekten tys VI sezdiń sheshimimen jastar qanatyn transformasııalaýdyń jańa baǵdarlamasy qabyldandy. Jastar uıymynyń ataýy men Ortalyq keńestiń quramy ózgerdi.
