Qazaqstan tennıs federasııasynan málim etkenindeı, Fransııada Tennis Europe serııasy boıynsha 14 jasqa deıingiler arasynda birinshi sanattaǵy La Balle Mimosa Loire'Atlantigue jarysynda juptyq synda qazaqstandyqtar úzdik shyqty.
Arıana Gogýlına men Sátıma Tóregen fınalda dodanyń úshinshi raketkalary chehııalyq Sofıa Hetlerova - ýkraınalyq Sofıa Krıvorýchkany tize búktirdi - 6:3, 7:6 (7:0).
Bozbalalar arasynda Damır Jalǵasbaı men Danıel Tazabekovti japonııalyqtar Ren Matsýrýma - Rıo Tabatany 6:1, 3:6, 10:6 esebimen utyp, chempıon atandy.
Taǵy bir qazaqstandyq Ańsar Nıetqalıev juptyq synda Gdansk qalasynda (Polsha) 12 jasqa deıingiler arasynda ótken osyndaı týrnırde jeńis tuǵyryna kóterildi. Ańsar amerıkalyq Kamelot Karnelomen birge jergilikti aǵaıyndylar Voıttardy 6:2, 2:0 (matchtan bas tartý) esebimen jeńdi.
Grýzııada 18 jasqa deıingiler arasynda ITF Juniors jarysynda Ińkár Dúısebaı juptyq synda kezekti tıtýlyna qol jetkizdi. Ol ulybrıtanııalyq Gabbı Paskaýspen birge qazaqstandyq Ýlıana Romanova - reseılik Dıana Haıdarshınadan aıla asyrdy - 6:3, 6:4.
