Mınıstr búgingi tańda Atyraý oblysynda 9,5 myńnan astam kásiporyn men uıym jumys isteıtinin, olarda 278 myń jaldamaly qyzmetker eńbek etetinin aıtty. О́ńir kompanııalarymen 242 myń jumyskerdi qamtı otyryp, jumys oryndaryn saqtaý boıynsha 3,7 myń memorandým jasaldy. Iri jáne orta kásiporyndardyń 97,8% - y óz qyzmetkerlerimen ujymdyq sharttar jasasty. Oblystyń 109 kásiporny 108 myń jalaqysy tómen qyzmetkerlerdiń jalaqysyn 5-ten 50% - ǵa deıin kóterdi.
Bul rette óńirde eńbek janjaldarynyń týyndaý qaýpi bar kásiporyndar da bar.
«Jergilikti atqarýshy organdar eńbek janjaldarynyń aldyn alý jáne olarǵa jol bermeý boıynsha turaqty negizde jumys júrgizýi qajet. Jumys berýshilerdiń ujymdyq sharttar men memorandýmdar boıynsha jumys oryndaryn saqtaý boıynsha alǵan mindettemelerin oryndaýyna turaqty monıtorıng júrgizý mańyzdy. Jumysshylardyń eńbek jaǵdaılary men jalaqy deńgeıine qanaǵattanýshylyǵyna únemi saýalnama júrgizý qajet», dedi Tamara Dúısenova.
Sondaı-aq EHÁQM basshysy oblystaǵy 9 kásiporynda jalpy somasy 34 mln teńgeni quraıtyn eńbekaqy boıynsha bereshek bar ekenin atap ótti.
«Ákimdik aýmaqtyq prokýratýra, qarjy jáne ádilet organdarymen birlesip, jalaqy jáne áleýmettik aýdarymdar boıynsha bereshekti óteý boıynsha egjeı-tegjeıli jospar-keste ázirleýi qajet. Jalaqy jáne jumyskerlerdi jumystan bosatý boıynsha yqtımal bereshekti anyqtaý boıynsha jumysty áleýmettik aýdarymdardy tóleýdi tómendeýine monıtorıng júrgizý arqyly júrgizgen jón», dep usyndy Tamara Dúısenova.
Mınıstr sondaı-aq sheteldik jumys kúshin tartatyn jumys berýshilerdi tekserý barysynda anyqtalǵan buzýshylyqtardy atap ótti. Tamara Dúısenova buzýshylyqtarǵa jol bergen jumys berýshilerge pármendi sharalar qabyldaı otyryp, oblys ákimi basqaratyn óńirlik úshjaqty komıssııada tekserý nátıjelerin qaraýdy usyndy.
Sonymen qatar mınıstr bıyl óńirde óndiriste 21 qyzmetker zardap shekkenin, onyń 3-eýi qaza tapqanyn atap ótti.
«Oblys ákimdigi eń kóp jazataıym oqıǵalarǵa jol bergen árbir jumys berýshimen qaýipsiz eńbek jaǵdaılaryn qamtamasyz etý jónindegi is-sharalar josparyn ázirlep, olardyń oryndalýyn mindetti túrde baqylaı otyryp bekitýi qajet. Memlekettik eńbek ınspektorlary óndiristik jaraqattanýdy azaıtý maqsatynda kásiporyndarǵa barý arqyly profılaktıkalyq baqylaý jumystaryn kúsheıtýi qajet», dep túıindedi Tamara Dúısenova.
