Teńiz ken orny Jylyoı aýdanynyń ortalyǵy – Qulsary qalasynan 100 shaqyrymnan astam qashyqta ornalasqan. Ken ornyndaǵy ınvestısııalyq jobalardy iske asyrýǵa birneshe otandyq jáne sheteldik kompanııa merdigerlikke tartylǵan. Sonyń biri – otandyq ISKER JShS. Atalǵan kompanııanyń 30-dan astam jumysshysy vahtalyq kenttegi ashanadan túski as ishken soń ýlanyp qalǵan. Tamaq ishkennen keıin ózderin jaısyz sezingen jumysshylar dárigerlik kómekke júgingen. Olarǵa «ortasha aýyrlyqtaǵy dıareıa» dıagnozy qoıyldy.
Teńiz ken ornyndaǵy medısınalyq klınıkada tamaqtan ýlanǵan jumysshylarǵa alǵashqy kómek kórsetilgen. Sodan soń olardyń bir toby klınıkaǵa jatqyzylǵan. Jeńil dárejede zardap shekken jumysshylardyń keıbiri jataqhanaǵa jiberilgen.
«Teńizshevroıl» JShS-niń baspasóz qyzmeti atalǵan oqıǵaǵa baılanysty aqparatty keıin berýge ýáde etti.
