«Qazgıdromet» RMK málimetinshe, demalys kúnderi elimizdiń ońtústik jáne ońtústik-shyǵysynda aptap ystyq jalǵasady.
«Respýblıka aýmaǵynyń basym bóliginde áli de turaqsyz aýa raıy saqtalady — jańbyr jaýady. 25 shildede eldiń soltústik-batysynda qatty jańbyr jaýyp, naızaǵaı, daýyl, burshaq kútiledi. Elimizdiń ońtústik-shyǵysynda ǵana jaýyn-shashynsyz aýa raıy saqtalady, al Qazaqstannyń ońtústiginde shańdy daýyl boljanady», delingen habarlamada.
Atap aıtqanda, kúndizgi ýaqytta respýblıkanyń batys jartysynda aýa temperatýrasy +27 +42°S-tan +23 +35°S-qa deıin tómendeıdi.
Eldiń soltústik-batys, ortalyq óńirlerinde aýa temperatýrasynyń azdap kóteriledi: munda termometrler + 25 +38°S belgisine jetedi.
Respýblıkanyń soltústiginde, shyǵysynda temperatýralyq fon +22 +30°S-qa jetedi.
Elimizdiń ońtústiginde, ońtústik-shyǵysynda +34 + 46°S deıingi qatty ystyq jalǵasady.
