Qos tarap Qazaqstan men Lıýksembýrg arasyndaǵy dıplomatııalyq qarym-qatynastardyń 30 jyldyǵynyń nyshandyǵyn atap ótip, saıası jáne ekonomıkalyq yntymaqtastyq odan ári nyǵaıa beretinine senim bildirdi. Kezdesýde eki eldiń energetıkalyq jáne azyq-túlik qaýipsizdigin qamtamasyz etýdiń mańyzdylyǵy, sondaı-aq parlamentaralyq dıalogty, onyń ishinde Qazaqstan men Lıýksembýrg parlamentshileriniń ekijaqty saparlaryn uıymdastyrýdy jandandyrý máselesi talqylandy.
Qazaqstandyq dıplomat Parlament Tóraǵasyn Qazaqstan Respýblıkasynyń Prezıdenti Q.Toqaev bastaǵan saıası reformalarmen, «Jańa Qazaqstannyń» áleýmettik-ekonomıkalyq damýymen, sondaı-aq demokratııa, quqyqtyq memleket jáne azamattyq qoǵam ınstıtýttary qaǵıdattaryn nyǵaıtýǵa baǵyttalǵan jalpyhalyqtyq referendým nátıjelerimen tanystyrdy.
2022 jyldyń birinshi jartyjyldyǵynda Qazaqstan men EO arasyndaǵy ózara taýar aınalymynyń aıtarlyqtaı óskenin, onyń qazirdiń ózinde 20 mıllıard AQSh dollarynan (ósim 51,2%) asyp ketkenin atap ótken M. Baımuhan saıasatkerdiń nazaryn Qazaqstannyń eksporttyq jáne kóliktik-tranzıttik múmkindikterine aýdardy.
Qazaqstandyq dıplomat elimizdiń 2060 jylǵa qaraı kómirtegi beıtaraptyǵyna qol jetkizýge basa nazar aýdaryp otyrǵanyn atap ótti, sondaı-aq Qazaqstan Ortalyq Azııadaǵy iri ekonomıka bola otyryp, ınvestısııalyq ahýaldy jaqsartýǵa jáne ınvestorlar úshin barynsha qolaıly jaǵdaı jasaýǵa erekshe kóńil bóletinin atap ótti.
Sondaı-aq qazaqstandyq dıplomat Lıýksembýrg parlamentshige Ortalyq Azııa memleketteri basshylarynyń Sholpan-Atada ótken IV Konsýltatıvtik kezdesýiniń qorytyndylary men aımaq elderiniń Prezıdentteri qabyldaǵan Ortalyq Azııany HHI ǵasyrda damytý jónindegi dostyq, tatý kórshilik jáne yntymaqtastyq boıynsha shart týraly aıtty.
Fernan Etgen óz kezeginde Qazaqstandaǵy saıası qaıta qurýlar qazaqstandyq demokratııalyq ınstıtýttardyń damýynyń belsendi kezeńin kórsetetinin atap ótip,elimizdiń ekonomıkalyq jetistikteri men ekonomıkasyn ártaraptandyrýdyń artyp kele jatqany elimizdiń joǵary áleýetin ashyp kórsetetinin aıtty.
Parlamentarıı Qazaqstan men Lıýksembýrgtiń álemdik arenada ózara múddeleri zor ekenin atap ótip, ózara tıimdi yntymaqtastyqty odan ári nyǵaıtýǵa múddeli ekenin bildirdi.
Taraptar aldaǵy ekijaqty is-sharalardy júzege asyrý maqsatynda turaqty baılanysta bolýǵa kelisti. Qazaqstandyq dıplomat F.Etgenge QR Parlamenti Májilisiniń Qazaqstanǵa kelýge shaqyrýyn taǵy da rastady. Al Lıýksembýrg parlamentiniń tóraǵasy qazaqstandyq áriptesterimen Lıýksembýrgte kezdesýge daıyn ekenin jetkizdi.
