Polısııa ınspektorlarymen júrgizilgen tekserý kezinde jergilikti turǵynnyń aýlasynda iri mólsherde esirtkige uqsas zat ósiretindigi anyqtaldy.
«Kúdikti turǵynnyń aýlasyna tintý júrgizgen polıseıler 19 túp kútip-baptap ósirilgen esirtki zatyna uqsas ósimdik pen keptirilgen esirtki sekildi untaq tapty. Sondaı-aq esirtki qoldanýǵa arnalǵan arnaıy bótelkeden qoldan jasalǵan qural tárkilenip alyndy. Alynǵan zattarǵa saraptama taǵaıyndaldy. Zertteý qorytyndysymen ósimdik túpteri 3,5 kelige jýyq sora, al keptirilgeni marıhýana bolyp shyqty. Ol esirtki zattaryn ózi qoldaný maqsatynda ósirgenin moıyndady», delingen polısııa habarlamasynda.
Qazirgi tańda QR QK-niń 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) men QK-niń 296-babyna (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) sáıkes, tergeý áreketteri júrgizilýde.
