Tósek qapqa oralǵan máıitti tańerteń tekserýshiler jarylǵysh materıaldar tasymaldaıtyn vagonnyń ishindegi shahta «oqpanynyń» janynan tapqan.
Dıspetcher oqıǵa bolǵan jerge jedel polısııany shaqyryp, máıit kimdiki ekendigin anyqtaǵan. Marqum Bestóbe aýylynyń turǵyny bolyp shyqty. Ol Bestóbe kenishinde jumys istemegen.
Osy arada Bestóbe altyn kenishiniń shahtasy shamamen bir jyldan beri jumys istemeı, qańtarylyp turǵanyn aıta ketý kerek. Al tómengi kókjıekterin jer asty sýlary basqan.
Buǵan deıin de bıyl osy kenishtiń «Zapadnaıa» shahtasynyń kókjıegin baqylaýshylar 43 jastaǵy Pavlodar oblysy turǵynynyń denesin tapqan bolatyn. Stepnogorsk polısııasynyń málimeti boıynsha ol júrektiń ıshemııalyq aýrýynan qaıtys boldy. Degenmen marqum shahtaǵa zańsyz engen, sol jerde bálkim ony seriktesteri tastap ketken.
Al Bestóbe kenishiniń ıesi «Altynalmas» kompanııasynyń ókilderi jeldetkish jáne basqa da ınjenerlik júıeler istemeı turǵandyqtan, jartylaı sý basqan, qyzmet etpeıtin shahtaǵa túsý óte qaterli ekenin eskertedi.
