«Reseı Federasııasynyń boljamynsha, qyrkúıek aıynan bastap qant eksporty ashylmaq. О́ıtkeni bıyl qyzylsha shyǵymy da qajetti deńgeıde bolady degen jospar bar. Sondyqtan shilde, tamyz aılarynda qant baǵasy joǵary bolatyn shyǵar. Odan keıin birtindep baǵa túsip, naryqtaǵy ahýal qalypqa túsedi dep oılaımyn», dedi Erbol Qarashókeev ortalyq kommýnıkasııalar qyzmetindegi brıfıngide.
Onyń aıtýynsha, bul boljam oryndalýy úshin jergilikti ákimdikter naryqty saýatty retteı alýy qajet.
«Qazirgi uzyn-sonar kezek pen dúrbeleńniń bári arzan qanttyń aınalasynda týyndap otyr. Tipti qyrkúıek aıynda da qantty syrttan ákelip, azǵantaı bóligin ózindik qunynan tómen baǵamen satýdy jalǵastyrsaq, dúrbeleń de jalǵasady. Sondyqtan qantty ózindik qunynan arzanǵa satyp, dúrbeleń týǵyzýdy toqtatqan kezde másele sheshimin tabady», dedi mınıstr.
