Álemde maımyl sheshegi órship barady

Bul málimdemeni Dúnıejúzilik den­saý­lyq saqtaý uıymynyń basshysy Tedros Adanom Gebreıesýs ótken senbide Jenevada DDU tóten­she jaǵdaılar komıtetiniń ekin­shi otyrysynan keıingi baspasóz más­lı­hatynda jasady. Ol uıymnyń mundaı sheshimge kelýine álemde vırýs juqtyrý sanynyń kúrt ósýi sebep bolǵanyn aıtty. Jalpy alǵanda, 23 shildede 75 elde 16 myń adamnyń ınfeksııa juqtyrǵany anyqtaldy. Al bir aı buryn bul naýqastardyń sany 3 myń boldy.

DDU basshysy tótenshe jaǵ­daı­dy jarııalaý týraly sheshim­di bes krıterıı boıynsha qabyldaıtynyn túsin­dir­di. Onyń biri – vırýstyń taralý jyldamdyǵy. Bul jaǵdaıda maımyl sheshegi buryn kezdespegen elderge tez taraldy. Uıym atalǵan ınfeksııanyń taralý deńgeıin Eý­ro­­­pada joǵary, al álemniń basqa tus­­ta­rynda ortasha dep baǵalap otyr.

DDU qansha jaǵdaı jáne vırýs­tyń qanshalyqty tez taralýyna baılanysty elderdiń tórt sanaty úshin vırýsqa qarsy tórt nus­qaý­lyq jıyntyǵyn daıyndady. Úki­met­terge azamattardyń osal toptaryn qorǵaý jáne aýrýdyń taralýyn toqtatý úshin kelisilgen sharalar qa­byl­daý usynylady.

Uıymnyń málimdemesi boıynsha, maımyl sheshegi vırýsy qara sheshek vırýsyna jaqyn, biraq ondaı juqpaly emes ári ólimge ákelmeıdi. Bul ınfeksııa týdyratyn aýrý ádette ońaı ótedi, shamamen jelsheshek sııaqty, al belgileri birneshe aptadan keıin ózdiginen ketedi. Alaıda Batys Afrıkada keıbir indetter kezinde ólim sany 10%-ǵa jetti. Maımyl shesheginiń alǵashqy belgileri boıynsha anyqtaý óte qıyn. Bul qyzýdyń kóterilýi, bas aýrýy, arqadaǵy aýyrsyný, basqa da kóptegen sebep bolýy múmkin. Naýqastar qara sheshekke qarsy vaksınamen nemese vırýsqa qarsy preparattarmen emdeledi.

Bul rette osyǵan deıin DDU sońǵy ret halyqaralyq deńgeıdegi tó­tenshe jaǵdaıdy koronavırýstyń taralýyna baılanysty 2020 jyldyń qańtarynda jarııalaǵanyn atap ótken jón.

Qazaqstanda búgingi tańda maımyl sheshegi aýrýyna kúdikti birde-bir jaǵdaı tirkelmedi. Elimizdiń Bas sanıtarlyq dá­rigeri – Densaýlyq saqtaý vıse-mı­nıstri Aıjan Esma­ǵam­betovanyń aıtýynsha, mem­leket­tik shekara arqyly ótkizý oryndarynda sanıtarlyq-karan­tın­dik baqylaý júzege asyrylady. Mem­­le­kettik shekarada asa qaýipti aýrý­larǵa kúdikti naýqasty qashyq­tyq­tan termometrııa arqyly anyqtaý boıynsha is-sharalar júrgizilip jatyr.