Tergeý barysynda A.Bazarhanovanyń 2013 – 2019 jyldar aralyǵynda emdik dene shynyqtyrýǵa bólingen aqsha qarajatyn urlaǵany, ıaǵnı mektep dırektorynyń sabaq ótkizbesten, oqý saǵattaryn júrgizgeni úshin aqy alyp otyrǵany anyqtaldy. Nátıjesinde balalar bilikti em alý quqyqtarynan aırylǵan.
Budan basqa, A.Bazarhanova ınternat qyzmetkerlerine qosymsha jumys istegenderi úshin aqy aýdaryp otyrǵan, keıinnen olar ol aqshalardy esep shottarynan sheship, Bazarhanovaǵa qaıtaryp berip otyrǵan. Shyn máninde qyzmetkerler qosymsha jumys atqarmaǵan.
Sonymen qatar, A.Bazarhanova óziniń tanysyna qaryzdy qaıtarý maqsatynda onyń jubaıyn jumysqa aldy. Osylaısha, óziniń qaryzyn qaıtarý maqsatynda jalǵan jumysqa ornalasýshyǵa 729 myń teńge eńbekaqy tólep, bıýdjet qarajatyn talan tarajǵa salǵan.
Shyǵys Qazaqstan oblystyq sotynyń qylmystyq ister boıynsha sot alqasy onyń óz kinásin moıyndap, shyǵyndy tolyqtaı qaıtarǵanyn, jasóspirim balasynyń bar ekenin eskere otyryp, A.Bazarhanovaǵa 4 jyl bas bostandyǵynan aıyrý jazasyn taǵaıyndady.
