«30 shilde kúni saǵat 05:15-te áskerı bólimge kelisimshart boıynsha áskerı qyzmetshi, aǵa serjant A.S.Merǵalıevtiń ózine qol jumsaǵany týraly aqparat túsken. Mán-jaıdy naqtylaý kezinde áıeliniń túngi saǵat 03:30 shamasynda kúıeýin úıiniń dárethanasynda asylyp turǵan kúıinde taýyp alǵany belgili boldy», dep habarlady «Ortalyq» óńirlik qolbasshylyǵynyń baspasóz qyzmeti.
Vedomstvo aqparatyna sáıkes, arnaıy komendatýranyń qaraýyl bastyǵy Abylaı Serikuly Merǵalıev 1990 jyly týǵan. Úılengen, bir qyzy bar.
Ulttyq ulan qatarynda 2015 jyldan beri qyzmet etken. Qazir atalǵan oqıǵanyń mán-jaıy anyqtalyp jatyr. Qylmystyq-prosessýaldyq kodekstiń 201-babyna sáıkes, sotqa deıingi tergep-tekserý derekterin jarııa etýge tyıym salynǵan.
Aıta keteıik, buǵan deıin Stepnogor qalasyndaǵy 3517 áskerı bóliminde merzimdi áskerı mindetin atqaryp júrgen jaýyngerdiń asylyp qalǵanyn habarlaǵan edik.
