Oqıǵa 30-shilde kúni saǵat 23.30-da Samara-Shymkent tasjolynda oryn alǵan.
«Bul - Yrǵyz aýdany Qalybaı aýylynyń mańy. «Honda-Fıt» markaly avtokóliginiń 32 jastaǵy júrgizýshisi jolda qarsy betke shyqqan. Rýlde Qyrǵyzstan Respýblıkasynyń azamaty boldy. Saldarynan Yrǵyz aýdanynyń 33 jastaǵy turǵyny basqaryp kele jatqan «Lada-Largýs» markaly avtokóligimen soqtyǵysqan. Jol-kólik oqıǵasy saldarynan «Lada-Largýs» markaly avtokóliginiń júrgizýshisi men 4 jolaýshy oqıǵa ornynda kóz jumdy. Sonymen qatar, «Honda-Fıt» avtokóliginiń jolaýshysy mert boldy. Sondaı-aq «Honda-Fıt» avtokóliginiń júrgizýshisi 30 jastaǵy jolaýshymen birge túrli jaraqatpen Yrǵyz aýdandyq aýrýhanasyna jatqyzyldy», dedi oblystyq PD baspasóz qyzmetiniń jetekshisi Erbolat Sarqulov.
Qazirgi kezde QK 345-baby 4-bóligi boıynsha sotqa deıingi tergeý bastaldy. Aqtóbe oblysy Polısııa departamenti kólik júrgizýshilerin jol qozǵalysy erejelerin qatań saqtaýǵa shaqyrady.
