ShQO polısııa departamenti baspasóz qyzmetiniń málimetine súıensek, jol-kólik oqıǵasy 30 tamyz kúni tús kezinde «О́skemen-Rıdder» tasjolynyń 10-shaqyrymynda bolǵan.
«Toyota Crown» kóligin tizgindep kele jatqan 25 jastaǵy er adam rýlge ıe bola almaı qaldy. Sonyń saldarynan kólik jyraǵa qulap, júrgizýshi oqıǵa ornynda til tartpaı ketti. Al túrli deńgeıdegi dene jaraqattaryn alǵan eki jolaýshy aýrýhanaǵa jetkizildi», dep habarlady vedomstvo ókilderi.
Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 345-babyna (Abaısyzda adam ólimine ákep soqqan jol qozǵalysy erejelerin buzý) sáıkes sotqa deıingi tergeý amaldary bastaldy.
Birqatar sot-medısınalyq saraptama taǵaıyndalyp, sonyń qorytyndysy boıynsha prosessýaldyq sheshim qabyldanady.
