Jobany «Túrkistan» AEA ındýstrııalyq aımaǵynda «KAZAKH INVEST» UK» AQ qoldaýymen «Almaty NS Group» JShS júzege asyrdy. Investısııa kólemi 1,7 mlrd teńge.
Zaýyttyń ashylýyna Túrkistan oblysynyń ákimi О́mirzaq Shókeev, «Túrkistan» AEA basqarýshy kompanııasynyń ókilderi jáne «KAZAKH INVEST» UK» AQ aımaqtyq dırektory Ersultan Jańabaev qatysty.
«Almaty NS Group» JShS jobany júzege asyrýdy 2021 jyly bastady. Zaýyttyń óndiristik qýaty jylyna 45 mıllıon dana kirpishti quraıdy. Zaýyt aıyna 3 mıllıonǵa deıin kirpish shyǵarady. Qazirgi ýaqytta kirpish peshteri ornatylyp, birinshi partııany shyǵarý jumystary bastaldy. О́ńirdegi qurylys materıaldaryna artqan suranysty óteı otyryp, ónim ishki naryqqa jetkiziledi. Kompanııa menedjerleri 2023 jyly tolyq óndiristik qýatqa shyǵýdy boljap otyr.
Aıta ketsek, kásiporynda 50 jańa jumys orny ashyldy.
Bul jobanyń júzege asýy Túrkistan oblysynda qurylys materıaldarynyń tapshylyǵyn azaıtýǵa múmkindik beredi.
