«Qazaqstanda balalardy birinshi synypqa qabyldaý naýqany aıaqtaldy. Qujattar 1 sáýirden 1 tamyzǵa deıin qabyldandy. Osy ýaqyt ishinde qazaqstandyqtar 400 myńǵa jýyq ótinish bergen. Balalardyń 70%-dan astamy memlekettik tilde oqýdy tańdady», delingen mınıstrlik habarlamasynda.
Bilim mınıstrliginiń Mektepke deıingi jáne orta bilim komıtetiniń tóraıymy Gúlmıra Kárimova atap ótkendeı, oqý jylynyń bastalýyna bir aı qaldy, endi mektepter oqý prosesin daıyndaý men uıymdastyrýǵa kirisedi.
«Bıyl mektep tabaldyryǵyn attaǵaly turǵan balalardyń kóbisi Abaı, Shyǵys Qazaqstan, Batys Qazaqstan, Qostanaı jáne Qaraǵandy oblystarynda, sondaı-aq Nur-Sultan, Almaty jáne Shymkent qalalarynda eken. Balalardy qazaq tilinde oqytatyn synyptarǵa qabyldaýdyń joǵary paıyzy Qyzylorda (89,6%), Ulytaý (86,6%), Mańǵystaý (86,2%), Jambyl (80,4%) oblystarynda baıqalady», dep qosty Gúlmıra Kárimova.
Aıta ketsek, ótinimderdiń 80%-y elektrondy túrde berildi.
