Sýretti túsirgen Erlan OMAR, «EQ»
1 tamyzdaǵy jaǵdaı boıynsha koronavırýsqa qatysty Qazaqstan óńirlerindegi epıdemııalyq ahýaldy baǵalaý matrısasy jarııalanyp, Nur-Sultan qalasynyń «sary aımaqta», qalǵan óńirdiń barlyǵy «jasyl aımaqta» ornalasqany belgili boldy. Senbi kúni koronavırýsty 2 713 adam, jeksenbide 2 414 adam juqtyrdy. О́tken táýlikte indetke shaldyqqany anyqtalǵan azamattardyń 947-si – elordalyqtar. Odan keıin eń kóp KVI juqtyrý jaǵdaıy Almaty qalasynda (464 adam), Qaraǵandy oblysynda (367 adam) jáne Aqmola oblysynda (101 adam) tirkeldi. Jalpy, pandemııa bastalǵaly atalǵan ınfeksııaǵa elimizde 1 352 594 adam shaldyqty.
Qazir elimizde koronavırýstan 26 687 adam emdelip jatyr. Olardyń ishinde 1 527 pasıent stasıonarda, 25 160 naýqas ambýlatorııalyq deńgeıde em qabyldaýda. Bul rette 44 adamnyń jaǵdaıy aýyr, 10 pasıenttiń jaǵdaıy óte aýyr jáne 5 naýqas ókpeni jasandy jeldetý apparatyna qosylǵanyn aıta ketý kerek. Al ótken táýlikte 1 949 adam koronavırýs ınfeksııasynan jazylyp shyqty.
Halqy indetke jıi ushyrap jatqan astanada 7 ınfeksııalyq stasıonar jumys istep jatyr. Bul ınfeksııalyq stasıonarlardyń syıymdylyǵy 634 tósekti quraıdy. Onda qazir 449 adam em qabyldaýda, stasıonar júktemesi 70,8%-dy quraıdy. Onyń ishinde 438 naýqasta KVI rastalsa, 11 adam pnevmonııamen aýyryp jatyr. Jan saqtaý bólimshesinde 28 pasıent emdelip jatyr, onyń bireýi О́JJ-ǵa qosylǵan. Atalǵan bólimshedegi júkteme 38,9%-dy quraıdy.
Jalpy, Nur-Sultan qalasynda ótken táýlikte 2 780 PTR zertteý júrgizilip, nátıjesinde 947 alǵashqy zerthanalyq rastalǵan jaǵdaı, 12 qaıtalama jaǵdaı tirkeldi. Pandemııa kezeńinde barlyǵy 3 397 437 PTR zertteý júrgizildi.
Al vaksınalaý jaǵdaıyna kelsek, búginde Qazaqstanda koronavırýs ınfeksııasyna qarsy birinshi komponentpen 9 554 903 adam, ekinshi komponentpen 9 334 764 adam vaksına saldyrdy. Sonyń ishinde Pfizer vaksınasynyń birinshi dozasyn 1 234 557 adam, ekinshi dozasyn 1 186 887 adam aldy.
