Birinshiden, Úkimet bıýdjet salasy qyzmetkerleriniń jalaqysyn kóterý jáne áleýmettik tólemderdi ındeksteý jónindegi barlyq áleýmettik mindettemeni oryndaıdy. Ekinshiden, jergilikti atqarýshy organdarmen birlesip, jumys oryndaryn qurý, biliktilikti arttyrý, jańa daǵdylardy ıgerý, sondaı-aq tabysy tómen áleýmettik osal toptardy qoldaý arqyly tabysy joq azamattardyń ekonomıkasyna áleýmettik yqpaldasý sharalary kesheni qolǵa alynyp jatyr. Úshinshiden, eńbekaqydaǵy alshaqtyqty qysqartý jáne óndiristik personaldyń jalaqysyn ósirý boıynsha bıznes qoǵamdastyqpen birlesip qabyldanǵan júıeli sheshimder – eńbek adamynyń tabysyn arttyrýda saralanǵan tásil.
Jalpy, Úkimet halyqtyń tabysyn arttyrý jónindegi mindetti kezeń-kezeńimen sheshýde. Osylaısha, baǵdarlamanyń tikeleı is-sharalary aıasynda birinshi jartyjyldyqtyń qorytyndysy boıynsha bıýdjet salasynyń 850 myń qyzmetkeriniń, kvazımemlekettik sektordyń 240 myń óndiristik personalynyń, 1,2 mln bıznes-qurylym qyzmetkerleriniń jalaqysy ulǵaıdy, áleýmettik tólemder ındeksteldi.
Al janama is-sharalar ekonomıkany ındýstrııalandyrýmen jáne ártaraptandyrýmen, kásipkerlikti damytýmen ushtasatyn nátıjeli jumyspen qamtýdy jolǵa qoıýǵa baǵyttalǵan.
50 kompanııanyń iri ınvestısııalyq jobalardy iske asyrýynyń mýltıplıkatıvtik áseri – olardyń aınalasynda shaǵyn jáne orta kásiporyndar beldeýin qurý jáne óndiristerdi oqshaýlaý. Bul óńirlerdiń áleýmettik-ekonomıkalyq damýyna oń áserin tıgizedi jáne jańa jumys oryndaryn qurýdy qamtamasyz etedi. Investısııalyq jobalardy iske asyrý sheńberinde 2025 jylǵa deıin 2 mln-nan asa jańa jumys ornyn qurý josparlanyp jatyr. Onyń ishinde 2022 jyly 444 myń jumys ornyn qurý kózdelgen. Búginde 249 myń jumys orny quryldy, ıaǵnı, jyldyq jospardyń 56%-y oryndaldy degen sóz.
Jumys oryndaryn qurý boıynsha josparly kórsetkishterge qol jetkizý – barlyq deńgeıdegi ákimderdiń basty mindeti. Barlyq kórsetkishter óńirlik jumyspen qamtý kartalarynda negizge alyndy, buǵan turaqty monıtorıng júrgiziledi.
2025 jylǵa deıin 266 myńnan asa jumys ornyn qurýdy kózdeıtin negizgi 847 ınvestısııalyq jobalar pýly qalyptasty. Olar daıyn ónimniń ımportyn almastyrýǵa jáne eksportyna baǵyttalǵan. О́nerkásipti damytý qory qarsy mindettemelerdi oryndaý sharttarynda jeńildikti mólsherleme boıynsha 305 mlrd teńge somasynda qarajat bólýdi kózdeıdi.
Memleket basshysynyń tapsyrmasy boıynsha «Jastar praktıkasy» jobasy (23,5 myń adamdy qamtý) boıynsha taǵylymdamanyń uzaqtyǵy 6 aıdan 12 aıǵa deıin, al «Alǵashqy jumys orny» jobasy (96 myń adamdy qamtý) boıynsha 12 aıdan 18 aıǵa deıin uzartyldy.
2022 jyldyń 1 maýsymyndaǵy jaǵdaı boıynsha 546 jastar granty berildi, 1,1 myń jas alǵashqy jumys ornyna turdy, Jastar praktıkasymen 8,6 myń jas qamtyldy. Kolledjder janynan 21 shaǵyn kásiporyn (josparlanǵan 100 kásiporynnan) quryldy, joǵary oqý oryndary janynan 63 mansaptyq ortalyq (103-i josparlanǵan) ashyldy.
Halyqtyń áleýmettik osal toptaryna (onyń ishinde úıden shyqpaı) turaqty tabys tabýyna múmkindikter jasalyp jatyr. Otbasyn qoldaý ortalyqtary (el boıynsha – 35) «bir tereze» qaǵıdaty boıynsha (zańdyq, psıhologııalyq, áleýmettik, turǵyn úı jáne t.b.) keshendi keńes beredi. Mysaly, kóp balaly otbasy múshelerin suranystaǵy mamandyqtarǵa qysqa merzimdi oqytý, óz bıznesin ashýǵa qoldaý kórsetý, otbasy ınstıtýtyn nyǵaıtý jónindegi is-sharalardy uıymdastyrý jáne ótkizý basym baǵyt bolyp sanalady.
Sonymen qatar múgedektigi bar eńbekke qabiletti 419 myń adamnyń 104 myńy nemese shamamen 24,8%-y jumys isteıdi. «Kúmis jas» jobasy boıynsha 226 adam jumysqa ornalastyryldy.
