«Keıingi 11 jyldyń ishinde Qarýly kúshterdi jabdyqtaý isi nege elektrondy formatqa aýystyrylmady? Sonda áskerı bólimderdegi sybaılas jemqorlyq máseleleriniń joly kesiler edi ǵoı», dep surady BAQ ókili vıse-mınıstrden.
Darhan Ahmedıevtiń aıtýynsha, atalǵan maqsatqa bıýdjetten birshama qarajat bólingen.
«Bul maqsatqa belgili bir mólsherde qarajat bólindi. Biraq sonyń 37 paıyzy ǵana ıgerildi. Al qalǵany bıýdjetke qaıtarylyp otyrǵan. О́kinishke qaraı, qazir bul baǵyttaǵy búkil jumys jartylaı qolmen isteledi. Mınıstrdiń maǵan bergen birinshi tapsyrmasy – qoıma esebin avtomattandyrý. Biz qazir osy baǵytta jumys istep jatyrmyz. Jyl aıaǵyna deıin aıaqtaımyz», dedi mınıstrdiń orynbasary.
Onyń málimeti boıynsha, bıyl Qarýly kúshterde 7 sýısıd áreketi tirkelip, tórteýi qaıǵyly aıaqtalǵan.
«Bıylǵy 5 aıdyń ishinde Qazaqstanda 4318 sýısıd áreketi ólimmen aıaqtalǵan. Sonyń ishinde tórteýi Qarýly Kúshterde bolǵan. Sýısıd áreketteri – 4942. Onyń ishinde Qarýly kúshterdegisi – 7. Iаǵnı bul 0,6 paıyzy. Bul jerde men osy sandardyń artyna jasyraıyn dep turǵan joqpyn, durys túsinińizder. Jańa da aıtqanymdaı, arnaıy top quryldy. Sol top sýısıd derekterin azaıtý boıynsha jumys júrgizip jatyr», dedi Darhan Ahmedıev.
