Atap aıtqanda, Fedorov aýdanynda 7,1 myń ga, Naýyrzym aýdanynda 20,8 myń ga qaıtaryldy, al Meńdiqara aýdanynda iri sharýa qojalyqtarynyń birimen 3,4 myń ga jerdi kópshiliktiń qoldanysy úshin óteýsiz berý týraly memorandým jasaldy.
«Bizdiń komıssııanyń basty maqsaty – paıdalanylmaı jatqan, onyń ishinde zańsyz jeke menshikke ótip ketken jaıylymdardy qaıtarý jáne olardy aýyl turǵyndary úshin qoljetimdi etý. Jyl basynan beri Qostanaı oblysynda 60 myń ga paıdalanylmaı jatqan jer qaıtaryldy. Sonymen qatar jalpy aýdany 45,4 myń ga bolatyn 24 jer ýchaskesin qaıtarý máselesi búginde sot óndirisinde. Jalpy, «Jer amanaty» komıssııasynyń jumysy 267 myń ga jerdi memleket menshikke qaıtarýǵa kómektesti», dedi partııa hatshysy Dáýlet Káribek.
Meńdiqara aýdanynyń turǵyndarymen pikirlesý kezinde partııa músheleri óz bastamalaryn alǵa tartty. Qazirgi ýaqytta, qoldanystaǵy zańnamaǵa sáıkes eldi meken mańyndaǵy 5-ten 20 shaqyrymǵa deıingi qashyqtaǵy jer kópshiliktiń paıdalanýy úshin tárkileýge ruqsat etiledi. Komıssııa músheleri osyndaı qaıtarylǵan ýchaskelerdi jeke qolǵa berýge jol bermeý úshin aýyldyq okrýgterdiń balansynda qaldyrýdy usynady.
Bul bastamany kásipker Erkin Buqanov qoldap otyr. Ol sondaı-aq memleket agrobızneske kóbirek kóńil bólýi kerek ekenin atap ótti. «Aýylda aýyl sharýashylyǵymen aınalysýǵa daıyn isker adamdar óte kóp, biraq jerdiń joqtyǵy – óte ózekti másele. Olar qalaı úlestirildi? Igerilmegen jerlerdi, árıne, memleketke qaıtarý kerek», dedi ol.
«Bizde qazir úlken sharýashylyqtarǵa, tutas agrarlyq kompanııalarǵa surasa boldy árdaıym jer beriledi. Ádil bolýy úshin halyqtyń da jerdi úlestirý konkýrsyna qatysýǵa múmkindigi bolýy kerek», dep atap ótti Meńdiqara aýdany Arhıpovka aýylynyń turǵyny Svetlana Kalıevskaıa.
Komıssııa múshesi, qoǵam qaıratkeri Murat Ábenov belgili bir adamdar jerdi jaı ǵana ıelenip, ony ıgermeı otyrǵanyna, al bul áreket ekonomıkaǵa zııan keltiretinine nazar aýdardy.
«Jer ne úshin qaıtarylyp jatyr? Memleket bárin ózine qaıtaryp alý úshin emes, bul qadam eń aldymen ony ıgerýge daıyn adamdarǵa berý úshin jasalady. Suraqty basqalaı qoıǵym keledi. Másele mal jaıýǵa ǵana qatysty emes. Anyǵynda, bul jerde mańyzdysy – ádildik ornatý. Jer máselesin qala aýmaǵynda da, eldi mekende de qarastyryp jatyrmyz. Taǵy bir ózekti másele bar. Aýylda jer, jumys joq bolǵandyqtan, jastar qalaǵa kóship jatyr. Al onda turǵyn úı joq. Qaıtyp kelse, munda jer joq. Jerdi halyqqa qaıtarý – tikeleı mindetimiz», dedi M.Ábenov.
Komıssııanyń taǵy bir múshesi, bloger Ǵalym Baıtoq jerdi jón-josyqsyz ıelenip otyrǵandarǵa qarsy is-qımyl máselesindegi eleýli jetistikterdi atap ótti.
«Latıfýndısterdiń basym kópshiligi jerdi ózge adamdardyń paıdalanýyna múmkindik bermedi nemese jalǵa berip otyrdy. Tipti Qaraǵandy oblysynda 1 mln, Mańǵystaý oblysynda 3 mln ga jýyq jer bir adamnyń qolynda bolǵan jaǵdaılar kezdesti. Komıssııanyń aldaǵy mindeti – osy máseleniń barlyǵyn baqylaýda ustaý. Jerdi ıgermeıtinderden qaıtaryp alyp qana qoımaı, onyń tıimdi paıdalanýyn qadaǵa-
laý mańyzdy», dedi Ǵ.Baıtoq.
Eske sala keteıik, sońǵy birneshe aı ishinde Komıssııa músheleri Jetisý, Qaraǵandy, Jambyl, Túrkistan jáne Aqtóbe oblystaryn aralady. Jer komıssııasynyń quramyna Parlament Májilisine Amanat partııasynan saılanǵan depýtattar – Aıdos Sarym, Erlan Saırov, Janarbek Áshimjan, Qaınar Abasov, Artýr Platonov jáne táýelsiz sarapshylar men qoǵam qaıratkerleri – Baqytjan Bazarbek, Marat Báshimov, Kırıll Pavlov, Marat Shıbutov, Maqsat Tolyqbaı, taǵy basqalar kiredi.
Jer máselesin neǵurlym jedel sheshý úshin qazaqstandyqtar barlyq zań buzý faktileri týraly Amanat partııasynyń «Jedel jeli» 8 800 080 44 41 telefonyna habarlaı alady. О́tinimder WhatsApp arqyly da +7 700 800 44 41 nómiri boıynsha qabyldanady.
