Kóksý aýdanynyń ákimi bolyp Marlen Kólbaev taǵaıyndaldy.
Marlen Qapashuly 1976 jyly týǵan, bilimi joǵary. «Jetisý» ınstıtýtyn «ekonomıka jáne menedjment», О́.A.Joldasbekov atyndaǵy ekonomıka jáne quqyq akademııasyn «zań» mamandyqtary boıynsha bitirdi.
Eńbek jolyn Ishki ister basqarmasy kúzet bóliminiń polısııa qyzmetkeri bolyp bastaǵan.
Birshama jyl «Jetisý» ekonomıkalyq ınstıtýtynda túrli qyzmetter atqardy. Keıin Taldyqorǵan qalasynyń kásipkerlik bóliminiń bastyǵy, Taldyqorǵan qalasy ákiminiń orynbasary, «Jetisý» ÁKK» UK» AQ agroónerkásip kesheni departamentiniń bas menedjeri, Taldyqorǵan qalalyq adamı resýrstardy basqarý departamentiniń jobalardy basqarýdyń bas menedjeri, «JetisýAgroSaýda» JShS-nyń Taldyqorǵan aımaǵy boıynsha bastyǵy, Taldyqorǵan qalasy ákimi apparatynyń basshysy, qala ákiminiń orynbasary boldy. 2018 jyldyń jeltoqsanynan – Almaty oblysynyń mádenıet, arhıvter jáne qujattama basqarmasynyń basshysy.
Al Kóksý aýdanynyń ákimi bolǵan Almas Qabdýluly Ádil basqa jumysqa aýysýyna baılanysty qyzmetinen bosatyldy.
Eskeldi aýdanynyń ákimi laýazymyna Ahmetov Eldos Tursynbaıuly taǵaıyndaldy.
Eldos Tursynbaıuly 1968 jyly týǵan, bilimi joǵary.
Semeı qarjy-ekonomıkalyq tehnıkýmyn «memlekettik bıýdjet», Qazaq memlekettik ekonomıkalyq ýnıversıtetin «qarjy jáne nesıe», ál-Farabı atyndaǵy Qazaq ulttyq ýnıversıtetin «zań» mamandyqtary boıynsha bitirgen.
Eńbek jolyn Talǵar qalasy boıynsha salyq ınspeksııasynyń salyq ınspektory bolyp bastady.
Ár jyldary Taldyqorǵan oblysy boıynsha salyq ınspeksııasynyń salyq ınspektory, aǵa salyq ınspektory, bas salyq ınspektory, Taldyqorǵan oblysynyń Taldyqorǵan aýdany boıynsha salyq ınspeksııasynyń, salyq bóliminiń, salyq komıtetiniń bastyǵy, Almaty oblysy Eskeldi aýdany boıynsha salyq komıtetiniń bastyǵy, tóraǵasy, Kóksý aýdany boıynsha salyq komıtetiniń tóraǵasy, bólim bastyǵy, Tekeli qalalyq qarjy bóliminiń basshysy laýazymdaryn atqardy. 2018 jyldyń aqpanynan Eskeldi aýdany ákiminiń orynbasary boldy.
