Taraptar kelissóz barysynda ekijaqty baılanystardyń qarqyndy sıpatyn atap ótip, bir-birinen geografııalyq turǵyda alshaqtyǵyna qaramastan Qazaqstan men Andorranyń ózara tıimdi yntymaqtastyq baǵytyn, atap aıtqanda, týrızm salasynyń keleshegi zor ekenin atap ótti.
Sondaı-aq eki el parlamentshileriniń halyqaralyq parlamenttik uıymdar aıasyndaǵy, onyń ishinde EQYU parlamenttik assambleıasy men Eýropa Keńesine qatysqan kezdegi ózara jemisti is-qımyly atap ótildi.
Senat Tóraǵasynyń orynbasary Prezıdent Qasym-Jomart Toqaevtyń jańǵyrtý kún jónindegi tártibindegi Parlamenttiń saıası tetikterdegi rólin kúsheıtý týraly habardar etti.
«Konstıtýsııalyq reforma elimizdiń qazirgi saıası júıesine eleýli túrde ózgeris engizýde, ony sýper prezıdenttikten yqpaldy Parlamenti men esep beretin Úkimeti bar prezıdenttik respýblıkaǵa aınaldyrady», dep atap ótti qazaqstandyq parlamentshi.
Sonymen qatar kezdesýge qatysýshylar Qazaqstan men Andorra arasyndaǵy ekijaqty qarym-qatynastardyń mańyzdy quramdas bóligi retinde parlamentaralyq baılanystardy odan ári damytý týraly ýaǵdalasty.
