Aqtóbe oblysynyń qylmystyq ister jónindegi mamandandyrylǵan aýdanaralyq sotynda asa iri mólsherde psıhotroptyq zattardy zańsyz saqtaǵany jáne tasymaldaǵany úshin kináli dep tanylǵan Aqtóbe qalasynyń 33 jastaǵy turǵynyna qatysty qylmystyq is qaraldy. Odan 144 gramnan astam psıhotroptyq zat tárkilendi.
Kúdiktiniń psıhotroptyq zat oralǵan oramany birneshe ret zańsyz satyp alǵany jáne óziniń jertólesinde asa iri mólsherde zańsyz saqtaǵany belgili boldy. Sot otyrysynda sottalýshy taǵylǵan aıypty moıyndamady. Sondaı-aq sotqa deıingi tergeý barysynda bergen aıǵaqtarynan bas tartty. Alaıda polısııa qyzmetkerleri bultartpaıtyn dáleldemeler usynyp, sottalýshy kinási rastaldy.
Úkim zańdy kúshine endi. Oǵan 11 jylǵa bas bostandyǵynan aıyrý jazasy taǵaıyndaldy.
«Byltyr jáne bıyl psıhotroptyq zattardy kepilge salýshylarǵa qatysty barlyǵy 17 qylmystyq is sotqa joldandy. On is boıynsha úkim shyǵaryldy. Onda sottalǵandardyń árqaısysy 10 jyldan astam ýaqytqa bas bostandyǵynan aıyryldy», dedi Aqtóbe oblysy PD Esirtki qylmysyna qarsy is-qımyl basqarmasynyń bastyǵy Nurlan Taýshanbaev.
