Aımaqtar • 08 Tamyz, 2022

11 eldi mekende mobıldi ınternet joq

81 ret kórsetildi

О́ńirde sıfrlandyrý baǵ­darlamalaryna sáıkes aýqymdy jumystar qolǵa alynyp jatyr. «Smart City» jobasy, «Aqyldy aıaldamalar», «Bultty qujat aınalymy», «Ata-ana baqylaýy» jobalaryn júzege asyrý boıynsha aıtarlyqtaı jumystar qolǵa alyndy. Degenmen óńirde 11 eldi mekende áli kúnge deıin mobıldi ınternet joq.

Oblys ákimdigi sıfrlandyrý basqarmasynyń basshysy Rýslan Noqrabekovtiń aıtýynsha, óńirdegi jumystar «Sıfr­landyrý, ǵylym jáne ınno­­vasııalar esebinen tehnolo­gııa­lyq serpilis» ulttyq jobasy aıasynda iske asyrylýda. Atalǵan ulttyq joba negizinen 44 kórsetkishti qamtıtyn bolady. Onyń 16-syn jergilikti atqarýshy organdarmen birlese júzege asyrý qajettigi týyndasa, 12 kórsetkish óńirdiń damý josparyna engizilipti.

«2020 jyly Taraz qalasynda qoǵamdyq kólikterde elektrondy bıletteý júıesi engizildi. Atalǵan júıe 100% qoǵamdyq kólikterge qoıylǵan. 394 stasıonarlyq termınal men 423 mobıldi termınaldary da ornatyldy. At­qarylǵan jumystardyń nátı­jesinde biryńǵaı jáne 50351 oqýshy kartalary iske qosyldy.

«TulparCard» E-bılettendirý júıesi boıynsha 2022 jyldyń basynan búgingi kúnge deıin 1 405 679 055 teńgege 17 964 825 sapar jasaldy, onyń ishinde qolma-qol aqshasyz 17 679 928 sapar jasaldy, bul barlyq saparlardyń 98 paıyzyn quraıdy.

«Aqyldy aıaldamalar» jobasyna toqtalsaq, búgingi tańda Taraz qalasynyń aıaldamalarynda 10 jaryqdıodty sıfrlyq tablo ornatyldy. Onlaın tablo arqyly aıaldamanyń ataýyn, qoǵamdyq kólik nómirin jáne basqa mańyzdy aqparattardy kórýge bolady.

Qala turǵyndarynyń óti­nishine sáıkes «Smart City» joba­synyń aıasynda «Aqyldy aıaldamalar» boıynsha 2022 jyly 30 aıaldamaǵa sıfrlyq tablony ornatý maqsatynda Taraz qalasy ákimdigine hat joldandy, másele pysyqtalýda», deıdi basqarma basshysy.

Basqarma basshysynyń aıtýynsha, salada atqarylǵan ju­mys­tar az emes. Áıtse de, aldaǵy ýaqytta qolǵa alatyn sharýa da jet­kilikti. О́ńirdegi ózekti máse­lelerdiń qataryna keıbir eldi mekenderdi mobıldi ınternetpen qamtamasyz etý máselesi de qosylyp otyr.

«2021 jyly oblysta 86 eldi meken joǵary jyldamdyqty (4G) mobıldi ınternetimen qam­tamasyz etilgen bolatyn. Son­daı-aq 274 eldi mekende tómen jyl­damdyqty ınternet bar. 2022 jylǵa arnalǵan jospar bo­ıyn­sha 156 eldi meken joǵary jyl­­damdyqty (4G) mobıldi ın­ter­netimen qamtamasyz etiletin bolady.

Osy jyly sapaly mobıldi baılanyspen jáne ınternetpen 70 eldi mekendi qamtamasyz etý josparlanýda. Onyń ishinde «Kar-Tel» JShS 22 eldi meken, «Kcell» AQ tarapynan 48 eldi meken qamtylmaq.

Búgingi tańda «Kar-Tel» JShS josparǵa sáıkes 7 eldi mekende jańa bazalyq stansa salyp, 4G mobıldi baılanysyn ornatty. Sonymen qatar 2022 jyly 91 aýyldy 2G den 3G/4G-ge aýystyrý josparlanýda. Onyń ishinde «Kar-Tel» JShS 38 eldi mekendi, «Kcell» AQ 53 eldi mekendi jos­parǵa engizgen», deıdi ol.

R.Noqrabekovtiń aıtýynsha, óńirde 11 eldi mekende múlde mobıldi ınternet joq. Osy bir ózekti máseleni sheshý úshin aldaǵy ýaqytta aýqymdy jumystar atqa­rylmaq.

«Mobıldi ınternet 11 el­di mekende joq. Olardyń qata­­rynda Shý aýdanyndaǵy – Alaı­ǵyr, Qulaqshyn, Sarysý aýda­nyndaǵy – Shyǵanaq, Qamqaly, Jaılaýkól, Úlken Qamqaly, Kishi Kókdala, Shaǵalaly, Aqtam, Merki aýdanyndaǵy – Qumaryq, Moıynqum aýdanyndaǵy Ulan­bel aýyldary bar. Atalǵan aýyl­darda mobıldi ınternet múlde joq.

О́ńirdiń shalǵaı aýdandarynda ornalasqan eldi mekenderdi uıaly baılanys mobıldi ınternetpen qamtamasyz etetin bazalyq stansalarǵa arnalǵan antenna-dińgektiń joqtyǵyna baılanysty turǵyndardy ınternetpen qamtamasyz etý máselesi týyndap otyr», deıdi basqarma basshysy máselege tereńnen úńilip.

Onyń aıtýynsha, saladaǵy eń ózekti máseleler aldaǵy ýaqytta kezeń-kezeńimen sheshimin tappaq.

 

Jambyl oblysy

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar