Bilim • 09 Tamyz, 2022

Mektep oqýshylaryna beriletin qarjylaı kómek kólemi artady

155 ret kórsetildi

Balalar jylynda Oqý-aǵartý mınıstrligi «jalpyǵa mindetti bilim berý» qory aıasynda oqýshylarǵa kórsetiletin materıaldyq kómek erejelerine ózgerister engizdi, dep habarlaıdy Egemen.kz.

Mınıstrlik málimetinshe, halyqtyń áleýmettik osal sanatyndaǵy 400 myńnan astam bala memleketten qarjylaı qoldaýǵa ıe bolady.

Buǵan deıin bólingen soma 17 myńnan 40 myń teńgege deıin bolsa, bıyl Oqý-aǵartý mınıstrliginiń ótinishi boıynsha ózgerister engizildi. Endi kómek mólsheri eń tómengi kúnkóris deńgeıinen, ıaǵnı 37 389 teńgeden tómen bolmaýy kerek.

Sondaı-aq jergilikti atqarýshy organdardyń usynysymen kómek kórsetý tetigine ózgerister engizildi. Endi aqsha ata-analarǵa balalarymen birge mektep formasyn, aıaq kıimin, keńse taýarlaryn jáne t.b. óz betinshe tańdaı alýy úshin beriledi. Buǵan deıin munyń barlyǵyn ákimdikter satyp alatyn jáne taýardyń kólemine, sapasyna jáne t.b. baılanysty máseleler týyndaıtyn.

«Jalpyǵa mindetti bilim berý» qorynyń aıasynda ataýly áleýmettik kómek (AÁK) alatyn otbasylardyń balalaryna, sondaı-aq AÁK almaıtyn, biraq jan basyna shaqqandaǵy ortasha tabysy kúnkóris deńgeıinen tómen otbasylardyń balalaryna materıaldyq kómek kórsetiledi. Sondaı-aq jańa oqý jyly qarsańynda jetim jáne ata-anasynyń qamqorlyǵynsyz qalǵan balalar, tótenshe jaǵdaıǵa tap bolǵan oqýshylar jáne t.b. materıaldyq kómek alady.

«Oqý-aǵartý mınıstrliginiń ókilderi kóp balaly analarmen bir emes, birneshe ret kezdesip, ákimdiktermen máselelerdi talqylap, olardyń tilekterin eskere otyryp, áleýmettik osal balalarǵa kómek kórsetý erejelerin ózgertýge bastama jasady. Ata-analardyń shotyna aqsha tikeleı túsip, mektep formasyn, keńse taýarlaryn jáne balalarǵa arnalǵan aıaq kıimdi óz betinshe tańdaı alýy úshin zańnamaǵa túzetýler engizdik. Munyń artyqshylyǵy – bala ata-anasymen birge ózi tańdaǵan kıimmen mektepke bara alýynda. Buǵan deıin satyp alýmen ákimdikterdiń qyzmetkerleri aınalysatyn. Osyǵan baılanysty jyl saıyn kıimniń kólemine, sapasyna qatysty máseleler týyndap, balalar onymen júrýge uıalatyn. 

Mektepterdi qarjylandyrýdy, onyń ishinde oqýshylardy qoldaýdy ákimdikter júzege asyratyndyqtan, bıyl olar qarjylaı kómek alýǵa tıisti barlyq balalarǵa keminde 37 389 teńge kóleminde qarajat bóledi. Bul eń tómengi soma, al buryn somalar ártúrli boldy - 17 myń, 20 myń jáne 25 myń teńgege deıin jetýi múmkin edi. Búgingi tańda eń tómengi mólsherden artyq qarjy bóletin jergilikti atqarýshy organdar da bar. Biz buny tek quptaımyz. Qarajattyń ulǵaıýy bul kómekti alatyn 418 myńnan astam balaǵa oń áser etedi», dedi Oqý-aǵartý mınıstrligi Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.

 

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar