«Medısınalyq kómek kórsetýdi esepteý prosesin jappaı avtomattandyrýdy qoıyp, aýrýdyń erterek anyqtaý jáne asqynýdyń aldyn alýǵa mán berý qajet. Densaýlyq saqtaý salasyn sıfrlandyrý tásilderi qaıta qaralady. Qazir dáriger qabyldaýyna halyqtyń tek 8 paıyzy ǵana onlaın jazylady, degenmen yńǵaıly servısterdi engizý arqyly bul kórsetkishti kóp uzamaı ulǵaıtatyn bolamyz», dedi sıfrlyq damý mınıstri.
Baǵdat Mýsınniń aıtýynsha, QR SDIAО́M Densaýlyq saqtaý mınıstrligimen birge eGov Mobile mobıldi qosymshasynda «eGov.Densaýlyq» jańa bólimin jasap jatyr. Bul bólimde donorlyq mártebe, elektrondyq resept, vaksınalaý, tájirıbehanalyq zertteýler qorytyndysy, jumysqa jaramdylyq paraǵy týraly jáne t.b. aqparat jınaqtalady. Osylaısha densaýlyqqa baılanysty barlyq málimet bir jerde shoǵyrlanyp, qoljetimdi bolady.
Baǵdat Mýsın halyqty baılanys jáne ınternetpen qamtý máselesine erekshe toqtalyp, sondaı-aq oblys aýmaǵyna júrgizilip jatqan ǵarysh monıtorıngi týraly da aıtty. Máselen, atqarylǵan jumys nátıjesinde Qyzylorda oblysynda paıdaly qazbalar zańsyz óndirilip jatqan 94 oryn, sondaı-aq ruqsat etilmegen 101 qoqys nysandary anyqtalǵan.
Jospar boıynsha 9 tamyzda mınıstr «Roskosmostyń» jańa basshysy Iýrıı Borısovpen kezdesip, «Báıterek» kesheni men basqa da birqatar máselelerdi talqylamaq.
