Aımaqtar • 09 Tamyz, 2022

Aqtaý ákimine sógis jarııalandy

39 ret kórsetildi

Búgin, 9 tamyzda aımaq basshysy Nurlan Noǵaevtyń qatysýymen ótken apparattyq keńeste oblystyń qala-aýdandaryndaǵy qatty turmystyq qaldyq shyǵarý jáne sanıtarlyq tazalyq máselesi qaraldy, dep habarlaıdy Egemen.kz Mańǵystaý oblysy ákiminiń baspasóz qyzmetine silteme jasap.

О́ńirde sanıtarlyq jaǵdaı jáne eldi mekenderdegi qatty turmystyq qaldyqtardy ýaqytynda shyǵarý máselesi ózekti.

Mańǵystaýdyń tarıhı-mádenı jáne tabıǵaty kórikti jerlerin týrıster de, turǵyndar da tamaq qaldyqtarymen lastap jatyr. Sońǵy ýaqytta oblys ortalyǵynyń turǵyndary tarapynan túsetin qoqystyń jınalýyna qatysty shaǵymdardyń sany da aıtarlyqtaı ósti.

Turmystyq qaldyqtardyń ýaqytynda shyǵarylmaýy qalaǵa jaqyn mańda ornalasqan Munaıly aýdany jáne Túpqaraǵan aýdanyna qarasty Aqshuqyr aýylynyń turǵyndaryn da alańdatyp otyr.

«Eldi mekenderdiń sanıtarlyq jaǵdaıy alańdatarlyq másele. Aqtaý qalasynyń lastanýyna jol berýge bolmaıdy. Telegram chatqa túsetin shaǵymdardyń kópshiligi qoqys jınaý jáne shyǵarý máselesimen baılanysty. Qaldyqtardy ýaqtyly jınamaý qalanyń kórki men turǵyndardyń densaýlyǵyna keri áserin tıgizedi. Bul qala ákimi jumysynyń durys uıymdastyrylmaýynyń nátıjesi», dep atap ótti Nurlan Noǵaev.

Jumysty durys uıymdastyrmaǵany úshin aımaq basshysy Aqtaý qalasynyń ákimine, onyń orynbasaryna jáne TÚKSh bóliminiń basshysyna sógis jarııalady.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar