Oqıǵa • 11 Tamyz, 2022

«Jas óren» baıqaýy shaqyrady

788 ret kórsetildi

Balalar jylyna oraı Pre­zıdent janyndaǵy Áıel­der isteri jáne otbasylyq-demografııalyq saıasat jó­nindegi ulttyq komıssııa balalar áni jáne balalar poe­zııasyna arnalǵan aqyndar men kompozıtorlar arasynda respýblıkalyq baıqaý jarııalady.

Elimizdiń búkil aýmaǵyn qamtıtyn konkýrs 15 qazanǵa deıin ótkiziledi. Baıqaýdyń maqsaty – patrıotızm men ult mádenıetin nasıhattaý, jas ereksheligi talabyna saı jańa mýzykalyq shyǵarmalardyń jazylýyna jol ashý, otandyq avtorlardy qoldaý, balabaqsha jáne mektep jasyndaǵy balalardyń repertýaryn tolyqtyrý.

Shyǵarmalar otansúıgishtik, ata-anaǵa degen mahabbat, ta­bıǵat jáne taǵy basqa er­kin ta­qyrypta jazylady. Kon­­kýrs balalarǵa arnalǵan án­der (ba­labaqsha jáne mektep ja­syndaǵy balalar ánderi) jáne ba­lalar poezııasy (erkin taqy­ryp­taǵy taqpaq, óleń, jyr týyn­dylary) atalymdary boıynsha ótkiziledi. Bul rette buryn kópshilik aldynda oryndalmaǵan, jarııalanbaǵan jáne basqa konkýrstarǵa qatyspaǵan týyndylar usynylady.

Konkýrsqa qatysýǵa talaptanýshylar qujattar men materıaldaryn qosa 15 qazanǵa deıin óz ótinimderin jibere ala­dy. Bul úshin: PDF formatynda jeke kýáligi qujatynyń kó­shirmesi; shyǵarmashylyq ómir­baıany; qatysýshynyń 13h18 sm ólshemindegi túrli-tústi foto­sýreti (JPEG); týyndynyń MR3 formatyndaǵy aýdıojazbasy; eki nomınasııaǵa da Word qujatyndaǵy týyndynyń mátini (qarip – Times New Roman, mól­sheri – 14, jolaralyq ınterval – bir joldyq) joldanýy kerek. Sondaı-aq ánder nomınasııasyna partıtýra jáne klavır (Finale nemese Sibelius notalyq redaktorlar nemese JPEG nemese PDF formatyndaǵy basqa notalyq redaktorlar formatynda) jáne ekinshi deńgeıdegi bankte jeke shotynyń bolýy týraly anyqtama bolǵany jón. О́tinimder zhas.oren@gmail.com elektrondy poshtasyna ji­beriledi. Anyqtama telefony: 8 775 145 90 53.

Baıqaýdyń qazylar alqa­synyń quramyna eńbek sińir­gen mádenıet jáne óner qaı­rat­kerleri, qoǵam qaıratkerleri, mem­lekettik uıymdardyń ókil­deri kiredi.

Konkýrs nomınasııalary bo­ıyn­sha aqshalaı júldeler bylaı belgilenedi: Bas júlde – 1 mln teńge eki nomınasııaǵa ortaq. «Balalarǵa arnalǵan ánder» nomınasııasy boıynsha I oryn (1 júldeger) – 700 myń teńge, II oryn (2 júldeger) – 500 júz myń teńge, III oryn (2 júldeger) – 300 myń teńge. Dıplomant

(3 júldeger) – 70 myń teńge. Al «Balalar poezııasy» nomınasııasy boıynsha I oryn (1 júldeger) – 700 myń) teńge, II oryn

(2 júldeger) – 500 myń teńge, III oryn (2 júldeger) – 300 myń) teńge, Dıplomant (3 júldeger) – 70 myń teńge.

Konkýrsqa qatysýshylar bir­neshe nomınasııaǵa bir mez­gilde qatysa alady. Ár nomınasııa boıynsha bir qatysýshy bir ótinimmen bir týyndyny ǵana usyna alady. Ánge qatysty shyǵarma óńdelgen (aranjırovka) nusqada bolsa bolady. Konkýrsqa usynylǵan týyndylar resenzııalanbaıdy jáne qaıtarylmaıdy. Baıqaýdyń qorytyndysy 25 qazanda jarııalanady. Jeńimpazdardy marapattaý saltanaty Táýelsizdik kúni qarsańynda Nur-Sultan qalasynda gala-konsert túrinde ótedi.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar