ANTIKOR • 11 Tamyz, 2022

«Kaspıı» ÁKK tıimsiz jobalardy qarjylandyrǵan

33 ret kórsetildi

«Kaspıı» ÁKK tıimsiz jobalardy qarjylandyrǵany anyqtaldy. Bul týraly Mańǵystaý oblysy boıynsha Sybaılas jemqorlyqqa qarsy qyzmet departamenti habarlady, dep jazady Egemen.kz.

«Biz osymen ekinshi ret «Kaspıı» ÁKK qyzmetine syrtqy taldaý jumystaryn júrgizdik. ÁKK tıimsiz jobalardy qarjylandyryp kelgen. Máselen, 2020 jyly ÁKK «Polımerlik qaptama shyǵarý» jobasyn qarjylandyrý týraly sheshim qabyldaǵan. Taldaý barysynda jobanyń qurylysyn aıaqtaý men iske qosýdan buryn, quzyrly organdar tarapynan qurylys-montajdaý jumystaryn bastaýǵa ruqsat berilmegeni anyqtaldy. Atalǵan problemalarǵa qaramastan, ÁKK «Polımerlik qaptama shyǵarý» jobasy úshin 2 ret 6%-ben shıkizat óndirisine – 12 mln teńge jáne aınalym qarajatyn ulǵaıtý úshin - 13,9 mln teńge qarjy bólgen. Alaıda, 2021 jyly aıaqtalýy tıis zaýyt osy kúnge deıin paıdalanýǵa berilmegen, shartta kózdelgen taýarlar kólemi shyǵarylmaǵan, tabys túspegen», dedi Qýanysh Myrzaǵalı.

Spıkerdiń aıtýyna qaraǵanda, «Aqtaý qalasynyń avtobýs parkin jańartý» jobasy kezinde de táýekelder anyqtalǵan. ÁKK jobany iske asyrý úshin 18 avtobýsqa avanstyq tólem jasaý arqyly satyp alýdy josparlaǵan. Keıin 40 mln teńgege avtobýstar satyp alynyp, tasymaldaýshylar arasynda bólinbeı, basqa JShS-ǵa negizsiz bergen.

«Qoǵamnyń burynǵy basqarma tóraǵasy Q.Berishbaev osy laýazymǵa taǵaıyndalý kezinde Sybaılas jemqorlyqqa qarsy is-qımyl zańnamasymen kózdelgen óz aktıvteri men mindettemeleri týraly deklarasııany tabys etpegeni úshin ákimshilik jaýapkershilikke tartyldy. Sondaı-aq, osy buzýshylyqqa jol bergen Qarjy basqarmasy basshysynyń mindetin atqarýshy D.Erpanova da ákimshilik jaýapkershilikke tartyldy. Oǵan sybaılas jemqorlyq quqyq buzýshylyǵy úshin 153 150 teńge aıyppul salyndy», dedi oblystyq Sybaılas jemqorlyqqa qarsy qyzmet departamenti.

Budan bólek, kásipkerlik korporasııa ınvestısııalyq jobalarǵa arnalǵan jer telimderin kommersııalyq maqsatta paıdalanýǵa bergen.

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar