Qazaqstan • 11 Tamyz, 2022

«AMANAT» 400-den astam partııalyq baqylaý beketin ashady

68 ret kórsetildi

Saılaýaldy ýádelerdiń oryndalý barysyn júıeli baqylap otyrý úshin «AMANAT» partııasy el aýmaǵynda 400-den astam partııalyq baqylaý beketin ashady, dep habarlaıdy Egemen.kz.

Eń aldymen, problemalyq, áleýmettik nysandar baqylaýǵa alynatyny habarlandy.

«Tamyz aıynyń sońyna deıin elimizdiń barlyq óńirinde 400-den astam beket ashý josparlanyp otyr. Búginde mundaı beketter 114 bilim berý nysanynda ashyldy. Onyń kómegimen qurylys sapasyn, bólingen qarajattyń tıimdi ıgerilýin, qaýipsizdik erejeleriniń saqtalýyn, jumysshylardyń áleýmettik jaǵdaıyn, sondaı-aq jalaqynyń ýaqtyly berilýin baqylaýǵa bolady. Osylaısha, jergilikti jerlerde partııa saılaýaldy baǵdarlamasynyń oryndalý barysyna júıeli baqylaý kúsheıedi. Memleket basshysy Qasym-Jomart Toqaev partııanyń kezekten tys HHII Sezinde atap ótkendeı, eń aldymen elektoraldy kezeńde aıtylǵan ýádelerdi oryndaý qajet», dep atap ótti «AMANAT» partııasynyń Hatshysy Jiger Qalıev.

P

Aıta ketsek, árbir nysanda tehnıkalyq pasportqa uqsas shaǵym nemese ótinish jiberýge bolatyn jaýapty tulǵanyń baılanys nómirleri bar taqtaısha ornatylady. Jurtshylyqty kóptep tartý jáne partııalyq baqylaý beketteri jumysynyń ashyqtyǵyn qamtamasyz etý maqsatynda onyń quramyna máslıhat depýtattary, úkimettik emes uıymdardyń ókilderi, BAQ ókilderi, blogerler, «AMANAT» partııasy bastaýysh partııa uıymdarynyń tóraǵalary men belsendi músheleri kirdi.

M
Aıta ketsek, osy aptada Aqtóbede partııalyqtar baqylaý beketin ashyp, Eset batyr aýdanynda júrip jatqan mektep qurylysynyń barysyn tekserdi. Turǵyndar sany udaıy ósip keledi. Tıisinshe, jaqyn mańdaǵy mektepterde oryn sany jetispeıdi. Qurylys 2017 jyly bastalǵanymen, áli aıaqtalǵan joq. Merdigerler buǵan pandemııany, daǵdarysty jáne qurylys zattarynyń qymbattaýyn kinálap otyr.

«Oqý jylynyń bastalýyna bir aıǵa jeter-jetpes ýaqyt qaldy. Alaıda 1 qyrkúıekte oqý prosesi bastalady dep josparlanýda. Mektep eki aýysymda 1800 oqýshy qabyldaı alady. Saılaýaldy baǵdarlama aıasyndaǵy basqa da nysandar tárizdi buny da erekshe baqylaýǵa alamyz», dedi Aqtóbe qalalyq partııalyq baqylaý komıssııasynyń tóraǵasy Talǵat Hamıtov.

Qyzylorda qalasynda «Báıterek» shaǵyn aýdanyndaǵy mektep qurylysy  kesteden bir jylǵa jýyq ýaqytqa artta qalyp keledi. Buǵan – qarjynyń ýaqtyly bólinbeýi sebep bolyp otyr. Merdigerler bilim berý mekemesin jyl sońyna deıin paıdalanýǵa berý josparlanǵanyn jetkizdi.

P

«Shaǵyn aýdanda 4,5 myńnan astam adam turady. Báriniń balalary bar. Olardy alysqa aparý yńǵaısyz. Ekinshi toqsannan bastap balalardyń jańa mektepte bilim alýyna jaǵdaı jasaýǵa tyrysamyz», dedi Qyzylorda qalalyq máslıhatynyń depýtaty Jorabek Nurymbetov. 

Osy kúni partııalyqtar Almaty qalasynyń Naýryzbaı aýdanynda salynyp jatqan 1500 oryndyq mekteptiń qurylys barysyn tekserdi. Merdiger uıym qurylys jumystary qyrkúıek aıynda aıaqtalady dep sendirdi. Nysannyń sapaly ári ýaqtyly tapsyrylýy amanattyqtardyń baqylaýynda bolady.

M

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar