Eńbek jáne halyqty áleýmettik qorǵaý mınıstrliginiń málimeti boıynsha Áleýmettik qyzmetter portaly múgedektigi bar adamdarǵa ońaltýdyń tehnıkalyq quraldary (OTQ) men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý qyzmetti alýshynyń elektrondy sıfrlyq qoltańbasymen rastaý arqyly júzege asyrylady. Tapsyrys berilgen quraldardy óz betinshe ákete alady nemese jetkizý qyzmeti arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Búgingi tańda portalda arnaýly áleýmettik qyzmetter kórsetetin 824 medısınalyq-áleýmettik mekeme (bólimsheler), 246 OTQ jetkizýshi, 25 myńnan asa jeke kómekshi, 635 ymdaý tilin qyzmetin, 90 sanatorlyq-kýrorttyq emdeýdi, 65 kepildik berilgen áleýmettik toptamany jetkizýshiler tirkelgen.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan.
Qoldaýǵa arnalǵan baılanys ortalyǵyna 1414 biryńǵaı nómirine qońyraý shalyp, tildi tańdaý jáne 5 sanyn basý arqyly portaldy paıdalaný boıynsha keńes alýǵa bolady.
