Qoǵam • 12 Tamyz, 2022

«Qazaqstan halqyna» qory 2 myńnan asa stýdentke bilim grantyn usyndy

102 ret kórsetildi

«Qazaqstan halqyna» qory mektep túlekteri men stýdentterge bólinetin granttar sanyn kóbeıtti, dep habarlaıdy Egemen.kz.

Qordyń málimetinshe, bakalavrıat baǵdarlamalary boıynsha stýdentter men talapkerlerge barlyǵy 2 350 grant bólindi, al shákirtaqynyń belgilengen mólsheri - 40 myń teńge.

«Bastapqy kezde 360 grant bólý josparlanǵan bolatyn, biraq ótinishter sanynyń kóp bolýyna baılanysty granttar sany kóbeıtildi», delingen habarlamada.

«Qazaqstan halqyna» QQ bilim berý granttary» qaıyrymdylyq baǵdarlamasyn iske asyrý sheńberinde talapkerler men stýdentterden granttar alýǵa ótinim qabyldaý bastaldy.

Talapkerler úshin bilim berý granttary men shákirtaqylarynyń sany árbir JJOKBU-ǵa 10 grantqa deıin, ulttyq JJOKBU úshin 20 grantqa deıin kóbeıtildi.

Qordyń 2022-2023 oqý jylynyń talapkerlerine arnalǵan bilim berý granttary men stıpendııalarynyń jalpy sany - 850. Qor bakalavrıat baǵdarlamalary boıynsha memlekettik nemese ózge qandaı da bir grant almaǵan kelesi sanattyń:

  • aýyldyq jerlerdiń az qamtylǵan otbasylarynyń talapkerleri;
  • jetim balalarǵa jatatyn jáne kámeletke tolǵanǵa deıin ata-anasynyń qamqorlyǵynsyz qalǵan talapkerleri;
  • múmkindigi shekteýli, onyń ishinde múgedektigi bar talapkerleri úshin joǵary bilim alý úshin shákirtaqysy bar granttar usynady.

Bul granttar UBT-dan ótken jáne onyń nátıjeleri boıynsha JJOKBU-ǵa túsý úshin qajetti ótý balyn jınaǵan talapkerlerge beriletinin atap ótý qajet.

«Qazaqstan halqyna» QQ bilim berý grantyna úmitkerler (talapkerler) tańdalǵan joǵary jáne joǵary oqý ornynan keıingi bilim berý uıymynyń (JJOKBU) qabyldaý komıssııasyna 2022 jylǵy 10-17 tamyz aralyǵynda ótinim beredi. Talapkerler arasynda «Qazaqstan halqyna» QQ grantyna úmitkerlerdi irikteýdi JJOKBU (ýnıversıtetter) janynda jumys isteıtin qabyldaý bólimi nemese kez kelgen basqa komıssııa bilim berý granttaryn iske asyrý sheńberinde júzege asyrady.

Sondaı-aq JJOKBU-nyń aqyly bólimshelerinde oqıtyn stýdentterge «Qazaqstan halqyna» Qorynyń qarajaty esebinen oqýyn jalǵastyrýǵa múmkindik beriledi. JJOKBU-nyń aǵymdaǵy stýdentteri úshin bilim berý granttarynyń sany árbir joǵarǵy oqý ornyna kvota aıqyndalmaı, 1500-ge deıin ulǵaıtyldy.

Konkýrsqa kelesi tulǵalar qatysa alady:

  • múmkindikteri shekteýli, sonyń ishinde múgedektigi bar stýdentter;
  • jetim bala sanatyna jatatyn jáne kámelettik jasqa deıin ata-anasynyń qamqorlyǵynsyz qalǵan tulǵalar;
  • aýyldyq jerlerdegi jaǵdaıy tómen otbasylardan shyqqan stýdentter;
  • tolyq emes otbasydan, múgedek balalardy tárbılep júrgen otbasydan shyqqan stýdentter;
  • ata-anasynyń bireýi nemese ekeýi de múgedektigi  bar stýdentter.

 

Oqý quny boıynsha shekteme árbir grant alýshy stýdent úshin 1 mıllıon teńge mólsherin quraıdy, eger stýdenttiń jyldyq oqýynyń quny 1 mıllıon teńgeden artyq bolsa, onda 1 mıllıon teńgeden asatyn aıyrmashylyqty grant alýshy stýdenttiń ózi tóleýi tıis.

Qor bóletin granttar óteýsiz kómek. Soma qaıtarylmaıdy jáne grant alýshy oqýyn aıaqtaǵannan keıin onyń oqýyna jumsalǵan qarajatty óteýge mindetti emes.

Grant alýshylar qabyldaýshy ýnıversıtettiń akademııalyq talaptaryn ustanýy tıis jáne baǵdarlama boıy tolyq oqý kýrsynan ótýge mindetti. Bul sharttyń oryndalmaýy qarjylyq qoldaýdy toqtatýǵa negizdeme bolýy múmkin.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Uqsas jańalyqtar