Oqıǵa • 14 Tamyz, 2022

Qaraǵandy ​​oblysynda bir táýlikte jol apatynan tórt adam qaza tapty

25 ret kórsetildi

О́tken táýlikte Qaraǵandy oblysy joldarynda úsh jol-kólik oqıǵasy tirkelip, tórt adam qaza tapty, dep habarlaıdy Egemen.kz.

13 tamyz kúni túngi saǵat 01:30 shamasynda «Aqsý – Aıýly – Aǵadyr» tasjolynda Aǵadyr kentinen 30 shaqyrym jerde 20 jastaǵy BMW avtokóliginiń júrgizýshisi rólge ıe bola almaı aýdarylǵan. Jol-kólik oqıǵasy saldarynan kóliktegi eki jolaýshy oqıǵa ornynda qaza tapty.

Sol kúni saǵat 13:10-da «Qaraǵandy – Balqash» tasjolynda 42 jastaǵy Bagem avtokóliginiń júrgizýshisi joldyń qarsy baǵytyna shyǵyp, 63 jastaǵy azamattyń basqarýyndaǵy Lexus avtokóligimen soqtyǵysqan. Eki avtokóliktiń júrgizýshileri ártúrli dene jaraqatymen aýrýhanaǵa jetkizilip, Lexus júrgizýshisi sol jerde qaıtys boldy.

Saǵat 20:11-de «Iаlta – Qulaıǵyr» tasjolynda 64 jastaǵy Toyota Previa avtokóliginiń júrgizýshisi, aldyn ala boljam boıynsha, rólge ıe bola almaı, 39 jastaǵy azamattyń basqarýyndaǵy Lada Priora avtokóligimen soqtyǵysqan. Jol-kólik oqıǵasynan 49 jastaǵy Lada Priora avtokóliginiń jolaýshysy alǵan jaraqattarynan oqıǵa ornynda qaza tapty. Sondaı-aq Lada Priora avtokóliginiń úsh jolaýshysy, Toyota Previa avtokóliginiń júrgizýshisi men bes jolaýshysy ártúrli dene jaraqattarymen aýrýhanaǵa jetkizilgen.

Barlyq faktiler boıynsha sotqa deıingi tergeý amaldary bastaldy. Tıisti saraptamalar taǵaıyndaldy.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Uqsas jańalyqtar