Abaı • 14 Tamyz, 2022

Abaı kúni atalyp ótti

45 ret kórsetildi

Nur-Sultanda Abaı Qunanbaıulynyń 177 jyldyǵyna arnalǵan kórme ashyldy. Qala turǵyndary aqynnyń poetıkalyq jáne fılosofııalyq murasyn, abaıtanýshy ǵalymdardyń eńbekterin jáne uly oıshyldyń shyǵarmalarynyń aýdarmalaryn oqyp shyqty.

Kórmege aqynnyń 50-den astam kitaby qoıyldy.

«Abaıdyń ádebı eńbekteri ylǵı da dúken men kitaphana sóreleriniń tórinde ornalasady. Aqynnyń shyǵarmalary Qazaqstannan tys jerlerde de tanymal. Bul jerden qundy kitaptardy tabýǵa bolady. Arasynda Anatolıı Kım aýdarǵan aqynnyń «Qa­ra sózderi», Muhtar Áýe­zov­tiń «Abaı joly» romany, Teı­mýr Ataevtyń «Abaı­dyń uly­lyǵy nemese XXI ǵasyr­da­ǵy oıshyldyń portretin ja­­saýǵa talpynys», Qulmat О́mir­álıevtiń «Abaı aforızmi», Dúkenbaı Dosjannyń «Abaı­dyń rýhy» sekildi kitaptar bar. Oqyrmandar osy jáne ózge de kitaptardy kitaphana zalynda otyryp oqýǵa nemese ózimen birge úıine alyp ketýine bolady. Bizdiń kitaphanashylar kún saıyn áleýmettik jelilerde post jazyp, jańa basylymdar týraly habardar etedi», dedi kitaphanashy Anar Ákimbekova.

Sondaı-aq oqýshylar kórme­de óleń oqyp, án shyrqady, al jurtshylyq Abaıdyń shyǵar­mashylyq jolynyń basty kezeńderi týraly bilimin arttyrdy.

«Men «Segizaıaq» óleńin oqy­­dym, onda avtor adamnyń boıyndaǵy jaman qasıetterdi áshkereleıdi. Abaıdyń shyǵar­mashylyǵyn zertteýden lázzat alamyn. Onda adamnyń ózin-ózi damytý týraly tereń oılar qamtylǵan. Jáne de aqyn­nyń fılosofııalyq shyǵar­malarynda alǵa umtylý, Otan­ǵa degen súıispenshilik dárip­teledi», dedi mektep oqýshysy Aıǵanym Satan.

Sonymen qatar aqynnyń 177 jyldyǵyna oraı elordada zııaly qaýym ókilderi Abaı eskertkishine gúl shoq­taryn qoıdy. Saltanatty jıyn­ǵa memleket jáne qoǵam qaı­ratkerleri, zııaly qaýym, qalalyq ardagerler keńesiniń ókilderi, ǵalymdar, máslı­hat depýtattary, Nur-Sultan qalasy ákiminiń orynbasary Eset Baıken qatysty.

«Abaıdyń sózi – myń­jyl­dyqtardyń enshisi. Sondyq­tan «Jańa Qazaqstandy» ór­kendetý úshin Abaıdyń dana­­lyq ǵıbrattaryn isimiz­de, qare­ke­­timizde, oıymyzda qol­dan­ýy-­
myz kerek. Bastysy, Abaı­dyń ǵıbrattaryn, ke­meńgerlik keńesterin ómi­ri­mizde laıyq­ty paıdalanýymyz qajet. Sol kezde ǵana biz rýhanı jetile­miz jáne «Jańa Qazaqstandy» ­damytamyz. Abaı – adamzat­tyń sózin sóılegen adam. Ol adamzat oıshyldarynyń qata­ryn­da tur­ǵan adam. Ol – Pýsh­kın men Lermontovty sóılet­ken adam. Abaıdyń joly – «Jańa Qazaq­stannyń» jar­qyn joly dep esepteýimiz ke­rek», dedi ǵalym Serik Negımov.

Jınalǵan qaýym ult perzen­tine taǵzym jasap, gúl shoq­taryn qoıdy.

«Jyl saıyn 10 tamyz kúni dástúr boıynsha Abaıdyń es­kertkishine gúl shoǵyn qoıý rásimi bolady. Keıin elordada aýqymdy is-sharalar bas­talady. Máselen, mektepter men JOO-larda tanymdyq is-sharalar ótkiziledi. Sonymen qatar bıyldan bastap iri-iri ­saýda ortalyqtarynda Abaı­dyń óleńderi men qarasózderi­niń aýdıo nusqasy jarııala­­nyp turady. Bul kúndelikti 15-20 ret shyǵyp turady», dedi Nur-Sultan qalasynyń ákimdigi Til­­­­derdi damytý jáne arhıv isi bas­­­qarmasynyń basshysy Sáken Esirkep.

Aıta keteıik, elimizde 2020 jyly Úkimet qaýlysymen 10 tamyz – Abaı kúni dep belgilengen bolatyn.

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar