Arnaıy operasııa kezinde qala turǵynynan satýǵa arnalǵan 78 gramnan astam tyıym salynǵan zattar tabylyp, tárkilengen bolatyn. Esirtki polıetılen paketterge salynyp, oqshaýlaǵysh lentamen oralǵan. Aldyn ala tergeý barysynda kúdikti osyndaı qylmystyq jolmen óziniń qarjylyq jaǵdaıyn jaqsartý jóninde sheshim qabyldaǵanyn aıtqan.
Qala turǵyny sıntetıkalyq esirtkilerdi saqtap, sodan keıin olardy jasyryn oryndarǵa ornalastyryp kelgen. Keıinnen ol tutynýshylarǵa esirtki jasyrylǵan oryn jáne onyń mólsheri týraly foto habar berip otyrǵan. Sátti júrgizilgen jedel is-sharalardyń nátıjesinde, jigitti esirtki qylmysyna qarsy is-qımyl bólimsheleriniń qyzmetkerleri ustap, keıinnen oǵan Qylmystyq kodekstiń 297-babynyń 3-bóligi boıynsha aıyp taǵyldy.
Qylmystyq isti sotta qaraý barysynda qala turǵynynyń kinási tolyq dáleldenip, sot ony 10 jylǵa bas bostandyǵynan aıyrdy.
