«Tájirıbeden birinshi kýrstan bastap ótkizýdi uıymdastyryp otyrmyz. Birinshi kýrstan bastap ótkeni jaqsy, biraq ony ótkizý barysyna qatysty suraqtar bar. Máselen, stýdent tájirıbeden óziniń týǵan aýylyndaǵy shaǵyn jınaqty mektepten ótýge ótinish bildiredi. О́z kezeginde ýnıversıtet bul ótinishke kelisimin beredi. Bul mektepte tıisti deńgeıde tálim-tárbıe beretin adam bar ma? О́ıtkeni jas mamandy kásiptik tájirıbeden ekiniń biri ótkize almaıdy. Ol jerde qandaı ádister bar, onymen kim qalaı jumys isteıtinine eshkim mán berip otyrǵan joq. Sondyqtan týǵan jerindegi mektepten tájirıbeden ótken kezde oǵan tıisti tálim beretin adam bolmasa, odan qandaı sapa talap ete alamyz», dedi A. Aımaǵambetov Respýblıkalyq tamyz konferensııasynyń paneldik sessııasynda.
Sondaı-aq mınıstr bul baǵyttaǵy tártipke qazir ózgertý engizilip jatqanyn aıtty.
«Biz jumys berýshi retinde tıisti talaptardy qoıamyz. Bul turǵyda tájirıbeni basqasha ótkizý kerek. Tájirıbeden óte alatyn mektepterdiń ólshemderin qoıý eskerilgen. Sebebi mektepte muǵalimder men ádiskerler bar bolsa, bul oqý ornynda tájirıbeden ótip, úırenýge bolady. Sondyqtan ýnıversıtetterde oqyp jatqan sýdentterdiń tájirıbeden ótýge barýdyń ózi basqasha qaralady», dedi vedomstvo basshysy.
A.Aımaǵambetov jas mamandar mektepte toltyrylatyn qujattardy, baǵalaý júıesin, ıaǵnı oqý ornynda reformalar jaıynda jan-jaqty bilýi kerek ekenin atap ótti.
