Aımaqtar • 15 Tamyz, 2022

Abaı oblysynyń aty ozdy

46 ret kórsetildi

Qostanaıdyń irgesinde jatqan Zarechnyı aýylyndaǵy «Arǵy­maq» ıppodromynda ulttyq at sportynan el chempıonatynyń aımaqtyq irikteý jarysy ótti. Dúbirli dodada Nur-Sultan, Almaty qalalarymen qatar, Qostanaı, Soltústik Qazaqstan, Qaraǵandy, Atyraý, Aqtóbe, Almaty, Abaı oblystarynan kelgen sáıgúlikter báıgege tústi.

Respýblıkalyq «Báıge» federasııasy men Qostanaıdaǵy ulttyq at sporty federasııa­sy uıymdastyrǵan aıtýly sport sharasynda qazaqtyń ejelden kele jat­qan qyz qýý, teńge alý, aýdaryspaq, kókpar oıyndary men alaman, qu­nan jarystary uıymdastyryl­dy. Báıge dese «ishken asyn jerge qoıatyn» kóp­shilik jankúıerdiń de­lebe­sin qozdyrǵan shashasyna shań juqpas júırikterdiń júlde qo­­ryn «Olimpbet» býkmekerlik keńsesi taǵaıyndady. Báıgeniń jalpy júlde qory – 16 mln teńge, jarys nátıjesinde, bes birdeı júldeli orynǵa aqshalaı syılyqtar tabys etildi.

Tulparlar tizgin jibermes buryn jınalǵan sportsúıer kópshilikti oblystyq dene shy­nyqtyrý jáne sport basqar­masynyń basshysy Qaıyrjan Esim­taev, óńirdegi at sporty fede­rasııasynyń vıse-prezıdenti Nurbol Ábdirahmanov, Ult­tyq at sporty túrleri qaýym­dastyǵynyń atqarýshy dırektory Rahat Jaqsybaı quttyqtap, atal­ǵan sharanyń basty maqsaty Qosta­naı jylqysyn nasıhattaý ekenin, búginde osy tuqymdy kóbeıtý jol­dary qarastyrylyp jatqanyn aıtty.

– Bıyl elimizde at sportyna, sonyń ishinde báıgege erekshe kó­ńil bólinip otyrǵany qýan­tady. Buǵan deıin báıgeden el chempıonaty men kýbogy bir me­zette ótip keldi. Odan keıin sha­ǵyn báıgeler bolmasa, iri ja­rystar óte qoımaıtyn. Al ult­tyq sporttyń damýyna sony ser­pin beretin mundaı is-shara­lar bir de­meýshiniń qoldaýymen jan-jaqty uıymdastyrylǵa­nyn bu­ryn-sońdy kóre almaı kel­dik. Mu­ny atbegiler men at ıele­ri de aıtyp, rızashylyqta­ryn bildi­rip jatyr, – dedi oblys­tyq at spor­ty federasııasynyń vıse-pre­zıdenti Nurbol Ábdirah­manov.

Sonymen 10 shaqyrymda syn­­ǵa túsken 19 qunan arasynan Qara­ǵandy oblysynan kelgen Jandos Yrzyqbaevtyń úkilep qosqan júı­rigi Taıfýn atty arǵymaq qatary­nan qara úzip, jeńimpaz atandy. Taıfýnnyń Qostanaı tuqymy eke­nin estigen jurt «Oı, páli!» desip, súısinisip jatty. Al on alty shaqyrymdyq top báıgede 20 júı­rikten sýyrylyp alǵa shyqqan alma­tylyq Telqońyrǵa talaılar tańdaı qaǵyp jatty.

Báıgeniń eń sheshýshi kezeńi jıyrma eki shaqyrymǵa ketetin alamanda 22 júıriktiń arasynan sýyrylyp shyqqan Abaı oblysynan kelgen Jarqyn Te­mirbaev­tyń Narqyzyly máreni birinshi kesip ótti. Alaman bastalǵanda bir­­neshe aınalym boıy Almaty qala­synyń sáı­gú­ligi Zabaletto aldyna qara túsir­meı kelip edi, biraq «Baq shaba ma, bap shaba ma, at shaba ma» demekshi, máre jaqyndaǵanda Nar­qyzyl basyp ozyp, 4 mln teńgeniń bas báıgesin qanjyǵasyna baılady.

Tobyl tórin dúbirletken dúl­­dúlderdi tizgindegen shaban­doz­dar­dyń da eńbegi erekshe eke­nin aıta ketken jón. My­sa­ly, Qara­­ǵandy oblysynan kel­­gen Mır­lan Nurbolat ta­qy­­myndaǵy tul­pa­­ry­nyń ty­ny­­syn taqymymen seze­tin táji­rıbeli shabandozdyń ózi eken. Shynashaqtaı bolsa da, bu­ǵan deıin de talaı dúbirli báse­kelerde tulpar minip, top jar­ǵan Mırlan Qostanaıda da óz bıiginen kórinip, aralas tuqymdy báıgede de, alamanda da ekinshi orynǵa ıe boldy.

– Meniń jalpy atqa degen qy­zy­ǵýshylyǵym sol sábı kezim­nen-aq bastaldy. 9 jastan beri tulpar tizgindep, shabandoz bolyp kelem. Eń bastysy, mundaı úlken alaman­darda astyńdaǵy attyń kúshin sar­qyp almaý kerek, – deıdi jas shabondoz.

О́kinishke qaraı, baby kem boldy ma, áıteýir bir aınalymnan, eki aınalymnan keıin jarys jolynan shyǵyp qalyp jatqan attar boldy.

– Bul endi úlken alaman bol­ǵannan keıin atqa da, attyń ıesine de obal. Endi aldaǵy báıgelerge jaqsy daıyndyqpen kelgen durys, – deıdi bastan-aıaq is-sharany júrgizip, uıymdastyrý sharalarynyń basy-qasynda júrgen ulttyq óner janashyry Qydyrbek Qıyshan.

Jalpy, báıge óte joǵary deń­geıde ótti. Bir ereksheligi, ózge óńir­lerden arnaıy kelgen jan­kúıer­ler kóp boldy. Solardyń biri – Atyraý qala­sy­nan kelgen belgili atbegi Shańy­raq Ermekbaev aǵamyz kópshilikke batasyn berip, sáıgúlikterdiń súrinbeı shabýyna tilektestik bildirdi.

Sharany uıymdastyrýshy­lar­dyń aıtýynsha, aldaǵy ýaqytta óńirde Qostanaı tuqymdy arǵy­maqtar men Qostanaı býdandary­na ǵana arnalǵan 20 shaqty báıge ót­kizý josparlanǵan. Al el chempıo­natynyń endigi kezeń­deri Pavlodar men Nur-Sultan qalalarynda ótip, sońy qazan aıyn­da Almaty qalasynda qory­tyndylanady.

 

Qostanaı oblysy

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar