Saıasat • 17 Tamyz, 2022

Qos aýdanda ótken azamattyq qabyldaý

62 ret kórsetildi

Amanat partııasy Túrkistan oblystyq fraksııa músheleri Jetisaı men Maqtaaral aýdan­darynda azamattardy qabyldaý ótkizdi. Qabyldaý kezinde jalpy 40-tan astam azamattyń máselesi qaraldy. Azamattyq qabyldaýǵa oblystyq máslıhat hatshysy Qaırat Balabıev, partııanyń oblystyq fılıalynyń atqarýshy hatshysy Beısen Tájibaev, depýtattar Nuraly Ábishev, Talǵat Qarjaýov, Tımýr Qyryqbaev, Uljanat Jurymbetova, Oırat Mamırov, Jetisaı aýdanynyń ákimi Murat Qadyrbek jáne jaýapty sala basshylary qatysty.

Eki aýdanda kóterilgen ortaq ári jıi qaıtalanǵan máseleler – jol salý, mektep qurylysyna qarjy bólý, aýyz sý jáne gazben qamtý, jer daýy, dárigerlik ambýlatorııalardyń tapshylyǵy syndy ótinishter. Máselen, Mashkanal men K-28 kanaldarynyń jaǵdaıy boıynsha aryz-shaǵym buǵan deıin de qozǵalǵan bolatyn. Osyǵan oraı oblystyq máslıhat depýtattary tarapynan partııa tóraǵasy E.Qoshanovqa usynys hat jiberilgen edi. Turǵyndar tarapynan Jetisaı qalasyndaǵy Iý.Gagarın atyndaǵy mektepke qosymsha ǵımarat qajet degen másele kóterildi. 628 orynǵa eseptelip salynǵan mektepte 980 bala bilim alýda. Turǵyndardyń ýáji qosymsha 300 oryndyq nysan salyp berý. Bul mekteptiń jobalyq-smetalyq qujaty daıyn. Bıýdjetten tıisti qarjy qaralsa, talap-tilek oryndalmaq.

Al Yntymaq jalpy orta mek­tebiniń qosymsha ǵımaratyna kúr­deli jóndeý jaqyn arada júr­gizilmek. Jóndeý jumystary aıaqtal­ǵansha oqýshylar negizgi ǵıma­ratta eki aýysym­da oqıtyn bolady. Osy sekildi Maqtaaral aýdanynda da Iirjar aýyldyq okrýgine qa­rasty Azamat eldi mekeninde salynyp jatqan 200 oryndyq mektep qurylysyn bıyl paıdalanýǵa berilse degen usynys aıtyldy. Mektep qurylysy jospar boıynsha aıaqtalyp, 2023 jyldyń 1 qańtaryna deıin qoldanysqa beriledi.

Al Birlik aýyldyq okýrgine qa­rasty О́rkenıet eldi mekeninde 200 oryndyq mektep qurylysy júrip jatyr. Oblystyq máslıhat depýtaty B.Dáýletuly depýtattyq saýal joldap, máselege zerdeleý júrgizbek. Jańajol aýyldyq okrýgine qarasty Dostyq, Fırdaýsı jáne Jeńis eldi mekeni aralyǵyndaǵy kópir sý tasqynynan jaramsyz bolyp qalǵan. Turǵyndar kópir qaıta qalpyna keltirilse deıdi. Bul boıynsha aýdan ákimi tarapynan qaýly shyǵyp, tıisti jumystar atqarylýda.

Aýdandyq eldi mekenderdegi dárigerlik ambýlatorııa qurylysy kezeń-kezeńimen ashylady. «Atakent» aýrýhanasyna qarasty 4 nysan, «Myr­zakent» aýrýhanasyna 4 nysan jalpy 8 feldsherlik ambýlatorııanyń qurylysyna aýdandyq aýrýhana tarapynan qujattar tapsyrylǵan. Qar­­jylandyrý qoldaý tapsa, bul má­­sele de sheshimin tappaq. Onyń ishinde Qalybekov aýyldyq okrýgine qa­rasty Tórtkúl jáne Jambyl eldi me­kenderindegi jaramsyz nysandardy atap ótken jón. «Aýyldyq eldi me­kenderdi jańartý» baǵdarlamasy boıyn­sha 2023 jylǵa jobalyq-sme­talyq qujattardy daıyndaý qolǵa alyndy.

Maqtaaraldaǵy qoǵamdyq qabyl­daýda Birlik aýyldyq okrýgine qarasty Q.Pernebaev eldi mekeni kósheleriniń sapasy syn kótermeıtini aıtyldy. Bul kósheler 2023-2025 jyldarǵa «Aýyl – el besigi» baǵdar­lamasy boıynsha josparǵa engen.

Munan bólek, áleýmettik muq­tajdyq boıynsha aıtylǵan ótinishter qabyldaý kezinde sheshimin tapty. Jańa oqý jylyna qarsy mektepke qajetti qural-jabdyqtar depýtattardyń demeý­shiligimen oń sheshildi.

Sońǵy jańalyqtar

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Máýlen Áshimbaev Qytaı halqyna kóńil aıtty

Parlament • 02 Jeltoqsan, 2022

Meksıkada 200-ge jýyq adam ýlanyp qaldy

Álem • 02 Jeltoqsan, 2022

Shekarany búkil el qorǵaıdy

Qoǵam • 02 Jeltoqsan, 2022

Uqsas jańalyqtar