QR Premer-Mınıstriniń orynbasary - Syrtqy ister mınıstri Muhtar Tileýberdi Sıngapýrǵa jasaǵan resmı sapary aıasynda el Prezıdenti Halıma Iаkýb Istanamen kezdesti.
Taraptar eki el arasyndaǵy qatynastardy odan ári nyǵaıtý jáne ekonomıkalyq baılanystardy keńeıtý máselelerin jan-jaqty talqylady. Muhtar Tileýberdi Sıngapýr basshysyna Qazaqstan Prezıdenti Qasym-Jomart Toqaevtyń izgi tilegi men sálemin jetkizdi. Kezdesý aıasynda Memleket basshysynyń Sıngapýrǵa aldaǵy resmı saparyn uıymdastyrý máseleleri qozǵaldy.
Mınıstr Konstıtýsııaǵa tolyqtyrýlar men túzetýler engizý boıynsha elde ótkizilgen jalpyhalyqtyq referendýmnyń nátıjeleri, sondaı-aq Memleket basshysy Q. Toqaevtyń «Jańa Qazaqstan» qurý boıynsha saıası jáne ekonomıkalyq reformalary týraly aıtty.
H. Iаkýb QR Prezıdentine jyly lebizin bildirip, Qazaqstan men Sıngapýr arasyndaǵy senimdi dıalog pen ózara qoldaýǵa negizdelgen saıası dıalog pen ózara tıimdi seriktestiktiń joǵary deńgeıin atap ótti.
Sıngapýr Prezıdenti Azııadaǵy beıbitshilikti, qaýipsizdik pen turaqtylyqty qamtamasyz etýge jáne jahandyq dinaralyq dıalogty ilgeriletýge umtylý baǵytynda Nur-Sultan qalasynda ótetin Azııadaǵy ózara is-qımyl jáne senim sharalary jónindegi keńeske qatysýshy elderdiń aldaǵy sammıti men Álemdik jáne dástúrli dinder lıderleri sezi sheńberindegi Qazaqstannyń qyzmetin joǵary baǵalady.
Sol kúni SIM basshysy M. Tileýberdi Sıngapýr Respýblıkasy Premer-Mınıstriniń orynbasary - Qarjy mınıstri, Halyqtyq is-qımyl partııasynyń tórtinshi býyn (4G) komandasynyń saıası kóshbasshysy Loýrens Vongpen kelissózder júrgizdi.
Qazaqstannyń Sıngapýrmen yntymaqtastyǵynyń mańyzdy elementi – kóliktik, saýda-ekonomıkalyq jáne ınvestısııalyq ózara is-qımyl. Osyǵan baılanysty taraptar ekonomıkalyq kooperasııa jobalaryn jáne ózara tıimdi yntymaqtastyq baǵdarlamalaryn ilgeriletý máselelerin egjeı-tegjeıli talqylady.
Qazaqstannyń tranzıttik áleýetin keńeıtýge jáne óńdeý ónerkásibi, aqparattyq-kommýnıkasııalyq tehnologııalar, qurylys jáne qarjy salalaryndaǵy Qazaqstan-Sıngapýr kásiporyndarynyń jobalaryn damytýǵa erekshe nazar aýdaryldy.
Sıngapýr tarapy «Astana» halyqaralyq qarjy ortalyǵynyń qyzmeti jáne Ortalyqtyń negizgi baǵyttaryn damytý boıynsha qabyldanyp jatqan sharalar týraly habardar etildi. Qazaqstandyq qarjy ortalyǵy úshin kapıtal naryǵyn damytýdyń sıngapýrlyq tájirıbesin zerdeleý óte mańyzdy ekeni atalyp ótti.
