Qala ákimdiginiń habarlaýynsha gaz taratý jelileriniń qurylysy úsh kezekke bólingen. 2021 jyly birinshi kezektegi, sondaı-aq ishinara ekinshi kezektegi qurylys aıaqtaldy. Ekinshi jáne úshinshi kezektiń qalǵan bóligi boıynsha jumystar 2022-2024 jyldarǵa josparlanǵan.
«Búgingi kúni Kóktal-1, Kóktal-2, Agroqalashyq, Temirjolshylar, Promyshlennyı, Ońtústik-Shyǵys (oń jaǵy men sol jaǵy), Kúıgenjar, Mıchýrıno, Internasıonalnyı eldi mekenderi, sondaı-aq Potanın kóshesi aýdanynda qalanyń eski bóligindegi tutynýshylardy qosý qamtamasyz etildi. 650 km gazben jabdyqtaý jelisiniń qurylysy aıaqtaldy», dedi Esmaǵulov.
Jalpy, elordada 200 myńǵa jýyq turǵyny bar 14 myń abonent gazǵa qosyldy. Gazǵa 4,6 myńnan astam úı qosylǵan.
Aıta ketý kerek, JEO-1,2-degi 13 qazandyq gazǵa aýystyryldy.
