Elorda • 18 Tamyz, 2022

Balalar jármeńkesine 10 myńnan astam elordalyq bardy

232 ret kórsetildi

EXPO halyqaralyq kórme ortalyǵynyń alańynda balalar taýarlarynyń «KIDS EXPO. Balalar álemi» birinshi qalalyq kórme-jármeńkesi ashyldy. Birinshi kúni is-sharaǵa 10 myńǵa jýyq adam qatysty, dep habarlaıdy Egemen.kz Nur-Sultan ákimdiginiń resmı saıtyna silteme jasap.

«KIDS EXPO. Balalar álemi» jármeńkesi EXPO Halyqaralyq kórme ortalyǵynda 17-21 tamyz aralyǵynda saǵat 12:00-den 21:00-ge deıin ótedi.

Sharany elorda ákimdiginiń qoldaýymen «QazExpoCongress» ulttyq kompanııasy uıymdastyrdy.

«Kids EXPO. Balalar álemi»  - bul kitap, keńse, toqyma, bilim berý jáne oıyn-saýyq ındýstrııasy, balalar men olardyń ata-analaryna arnalǵan taýarlar men qyzmetter ókilderin bir alańda biriktirýge múmkindik bergen alǵashqy iri qalalyq joba.

g

Kórmeniń negizgi baǵyty - bilim berý, hobbı, demalys, balalar mádenıeti (jýrnaldar, kitaptar jáne mýzyka), oıyndar álemi (oıynshyqtar, oıyndar jáne qolóner), balalar sáni men kıimderi, kerek-jaraqtar men aksessýarlar jáne taǵy basqalar.

5 kún ishinde jergilikti taýar óndirýshilerdiń, kompanııalar men iri brendterdiń 100-ge jýyq qatysýshysy óz ónimderin eń qolaıly baǵamen usynady.

Jármeńkege Marwin, Abdi, FasTracKids, Utaria, CAES, Robotek, Foliant, «Almaty kitap» basylymdary jáne basqa da iri brendter qatysady.

n

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar