Qoǵam • 19 Tamyz, 2022

О́skemende esirtki tasymaldaǵan qylmystyq top ustaldy

46 ret kórsetildi

О́skemende polıseıler 65 mln teńgeniń esirtkisin tárkiledi, dep habarlaıdy Egemen.kz Polisia.kz-ke silteme jasap. 

Shyǵys Qazaqstan oblysynyń polıseıleri QR Ulttyq ulanynyń arnaıy bólimshelerin tarta otyryp, eldiń shyǵysyna esirtki jetkizýge qatysy bar adamdardyń qylmystyq áreketteriniń jolyn kesý boıynsha arnaıy operasııa ótkizdi.

Nátıjesinde 3,5 myń bir rettik dozaǵa teń salmaǵy 1 kelige jýyq sıntetıkalyq esirtkiniń asa iri partııasyn О́skemen qalasyna ákelmek bolǵan 35 jastaǵy almatylyq ustaldy. Ustaý barysynda avtokólikte onymen birge jubaıy da otyrǵan. Qaskóı kúdikke ilinbes úshin ózimen birge ony ádeıi jolǵa alǵany málim boldy.

Biraz ýaqyttan soń qylmystyq toptyń ekinshi qatysýshysy da qolǵa tústi. Ustalǵan 29 jastaǵy er adamnan 2 myń dozaǵa teń 600 gramm sıntetıkalyq esirtki tárkilendi.

Esirtki arnasyn joıý boıynsha arnaıy operasııa О́skemenge arnaıy kelgen Aqtóbe qalasynyń 24 jastaǵy turǵynyn ustaýmen aıaqtaldy. Tintý barysynda odan quramynda 0,5 keliden astam alfa-PVP psıhotroptyq suıyqtyǵy bar 5 plastıkalyq ydys tárkilendi.

«Qabyldanǵan sharalar nátıjesinde, oblys ortalyǵynda shamamen mólsheri 8 myń bir rettik esirtki dozasyn jetkizýdiń arnasy joıyldy, onyń qara naryqtaǵy quny shamamen 65 mln teńgeden asady. Qazirgi ýaqytta kúdiktilerdiń úsheýi de qamaýǵa alyndy. Olardyń áreketteri QR QK-niń 297-baby 3-bóligi boıynsha saralanady, onyń sanksııasynda 10 jyldan 15 jylǵa deıin bas bostandyǵynan aıyrý túrindegi jaza kózdelgen», dedi ShQO Polısııa departamenti bastyǵynyń orynbasary Talǵat Shaıahmetov.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar