Aımaqtar • 19 Tamyz, 2022

«Qaraǵandy-Balqash» tas jolyndaǵy aınalma joldardyń sany 94%-ǵa azaıdy

46 ret kórsetildi

Bıylǵy jol-qurylys maýsymy aıasynda jalpy uzyndyǵy 363 shaqyrymdy quraıtyn respýblıkalyq mańyzy bar «Qaraǵandy-Balqash» kúre joly tolyq aýqymdy jumystarmen qamtylyp otyr, dep habarlaıdy Egemen.kz.

Kúre joldyń barlyq 8 teliminde qurylys jumystary júrgizilýde. Árbir telim boıynsha is-shara jospary ázirlenip, jumys kestesi bekitildi. Máselen, bıyl aınalma joldardyń sany 94% - ǵa azaıdy. 70 shaqyrymnan astam asfalt tóseldi, sondaı-aq jasandy konstrýksııalar qurylysy da qarqyndy júrip jatyr.

«Buǵan deıin aınalma joldardyń jalpy uzyndyǵy 148 shaqyrym bolatyn, qazir 9 shaqyrym ǵana qaldy. Sonymen qatar, eń nashar bolyp eseptelgen Qyzylqoı jáne Nurataldy aýyldary arasyndaǵy ýchaskede jumys júrgizdik. Munda eki jolaq boıynsha qozǵalys ashtyq. Qurylys jumystaryn úsh negizgi baǵyt boıynsha júrgizýdemiz: aınalma joldardy joıyp, kópirler men mal ótkelderin salý boıynsha jumystardy jalǵastyramyz, asfalt tóseý jumysy da qolǵa alyndy. Qazirgi ýaqytta 260 shaqyrymda qozǵalys qamtamasyz etilip otyr. Shart talaptaryna sáıkes qurylys jumystaryn tolyq aıaqtaý 2023 jyldyń sońyna kózdelgen», dep atap ótti «QazAvtoJol «UK» AQ Qaraǵandy oblystyq fılıalynyń basshysy Syrym Hamzın.m

Sonymen qatar, bıyl arnaıy tehnıka sany úsh ese, al jol jumysshylarynyń sany tórt ese artty. Máselen, qazir qurylys jumystaryna 560 birlik arnaıy tehnıka men 1 myńǵa jýyq jol mamany jumyldyryldy.

Joba aıasynda 46 iri jasandy konstrýksııalar  (mal aıdaý, jol ótpeleri, kólik aıryqtary men kópirler) qurylysy qarastyrylǵan – qazirgi ýaqytta bul jumystar 65% - ǵa aıaqtaldy.

«QazAvtoJol» UK» AQ Qaraǵandy oblystyq fılıaly basshysynyń aıtýynsha, óńirde jol boıynda ornalasqan qyzmet kórsetý nysandaryn odan ári damytý úshin 19 demalys alańy daıyn tur. Bul alańdar bolashaqta jol boıynda ornalasqan qyzmet kórsetý nysandaryna aınalmaq. Qurylys jumystary aıaqtalǵannan keıin «Qaraǵandy-Balqash» trassasynyń boıynda árbir 100-150 shaqyrym saıyn A jáne B sanatyna jatatyn 3 jol boıyndaǵy servıs obektisi ashylady.

Esterińizge sala keteıik, kúre jol qurylysymen aınalysyp jatqan qurylys konsorsıýmynyń quramy qaıta qaraldy. Qurylys jumystaryn bas merdiger CITIC Construction jalǵastyrýda.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar