Qazirgi tańda elimizdiń kıno salasyn damytýda sheteldiktermen áriptestik ornatý isi jolǵa qoıylyp keledi. Munyń bir mysaly retinde «Qazaqfılm» kınostýdııasynda asharshylyq týraly «О́liara» atty tolyqmetrajdy kórkem fılmniń túsirilýin atap kórsetýge bolady. О́ıtkeni bul kórkem fılmniń qoıýshy rejısseri – Majarstan Respýblıkasynyń týmasy Tamash Tot.
Eske sala keteıik, «О́liara» tolyqmetrajdy kórkem fılmniń túsirilimi 2021 jylǵy 28 qazan men 7 jeltoqsan aralyǵynda Almaty oblysynda júrgizildi. Al 2022 jyldyń shilde aıynda kınokartınanyń montajdaý-árleý kezeńi bastalǵan.
Fılm ssenarııiniń avtory – Nurlan Sanjar. Fılmniń jelisi XX ǵasyrdyń otyzynshy jyldaryndaǵy náýbet, qazaq halqyn jappaı qyrǵynǵa ushyratqan asharshylyq qasireti baıandalady.
Fılmniń atqarýshy prodıýseri Janserik Shonaulynyń aıtýynsha, kıno kartınanyń sıýjetinde «saıası kinásin» óteý úshin qazaq jerine jiberilgen Ishtvan Madıardyń kýá bolǵan aıanyshty jaǵdaıattar sýretteledi.
Bas keıipker – Ishtvan Madıar qazaq jerine kelgen soń Qarabaıdyń jedel otrıadyna túsip, kýlak malyn izdeýmen jáne tárkileýmen aınalysady. Sol kezde óz kózimen asharshylyqqa ushyraǵan halyqtyń azapty ómirin, jasanǵan janalǵyshtaı jaýyngerlerdiń qatygezdigin kórip, tóńkeris týraly kózqarasyn ózgertedi.
Ishtvan Madıar qazaq dalasyndaǵy jan tózgizsiz jaǵdaıǵa kúızelip, aqyrynda jergilikti turǵyndarǵa jaqtasyp, solarmen birge qyzyl ımperııanyń ozbyr saıasatyna qarsy kúresedi. Bas keıipker nebir ótkelekterden aman qalyp, qazaq halqynyń uly qasireti týraly shyndyqty jetkizýge bar kúshin salady.
Fılmge eki eldiń tanymal akterleri qatysqan. Basty rólderde Majar eliniń teatr jáne kıno akteri Pıter Barna, belgili qazaqstandyq akterler Aldabek Shalbaev, Erjan Nurymbet jáne basqalar oınaǵan.
Kartınanyń úlken ekranǵa shyǵýy 2023 jylǵa josparlanyp otyr.
Aıta keteıik, «О́liara» tolyqmetrajdy kórkem fılm Sháken Aımanov atyndaǵy AQ «Qazaqfılm» kınostýdııasynda Ulttyq kınony qoldaý memlekettik ortalyǵynyń qoldaýymen Qazaqstan Respýblıkasy Mádenıet jáne sport mınıstrliginiń tapsyrysy boıynsha túsirilgen.
Elimizde 12 ońaltý ortalyǵy salynady
Úkimet • Búgin, 13:02
Bıbisara Asaýbaeva Úndistanda tórtinshi ret jeńiske jetti
Shahmat • Búgin, 12:14
Koronavırýsqa shaldyqqan 2 adamnyń jaǵdaıy aýyr
Koronavırýs • Búgin, 11:54
Shveısarııada eki poıyzdyń vagondary relsten shyǵyp ketken
Álem • Búgin, 11:40
Donald Trampqa qarsy qylmystyq is qozǵaldy
Álem • Búgin, 11:10
Almatyda aýa sapasy nasharlaıdy
Aýa raıy • Búgin, 10:41
Uqsas jańalyqtar
