Jarylǵysh zat qoıylǵany týraly aqparat qaladaǵy eki aýrýhanaǵa kelip túsken. Jedel qyzmet naýqastar men qyzmetkerlerdi evakýasııalady, kólik qaýipsiz qashyqtyqqa shyǵarylǵan. Oqıǵa ornynda saperlar jumys istep jatyr.
«Qazir qalanyń jedel jáne tótenshe qyzmetteri Almaty aýmaǵyndaǵy eki medısına mekemesinde aqparatty tekserip jatyr. Osyndaı habarlamalarǵa qatysty alǵashqy keshendi sharalar júrgizilýde, onyń ishinde adamdardy evakýasııalaý da bar. Oqıǵa ornynda saper bólimsheleri jumys istep jatyr», dedi Polısııa departamentiniń baspasóz hatshysy Saltanat Ázirbek.
Keıin polısııa ókilderi tekserý qorytyndysy boıynsha «bomba qoıylǵany» týraly aqparat jalǵan bolyp shyqqanyn aıtty.
«PD Jedel baqylaý ortalyǵy málimetinshe, tańǵy saǵat 10:57-de eki nysanda jumystar toqtady. Aqparat jalǵan bolyp shyqty, jarylǵysh qurylǵylar tabylmady. Medısınalyq mekemeler qalypty jumys rejımine kóshti. Qazir jedel bólimsheler aty-jóni belgisiz tulǵany izdeýge kiristi», dedi PD ókilderi.
