Qumar Aqsaqalovtyń aıtýynsha, óńirde kúzgi egin naýqany bastaldy. Bıyl bıdaıdyń bir gektarynan 16 sentner alý boljanyp otyr. Oblysta 170 myń tonna mıneraldy tyńaıtqysh engizilmek. О́ńir basshysy bul kórsetkish boıynsha respýblıkada SQO kósh basynda turǵanyn jetkizdi.
Agrarlyq sektorǵa bıyl 180 mıllıard teńge ınvestısııa tartylady. Soltústik Qazaqstan oblysynda quny 76 mıllıard teńge bolatyn 31 joba júzege asyrylyp jatqany aıtyldy. Sonymen qatar aýyl sharýashylyǵyna 2,4 myń tehnıka alynǵan. Qazir aımaqta 17 sút fermasy, 3 qus fabrıkasy, jylyjaı kesheni jáne maı ekstraksııalaý zaýyty salynyp jatyr. О́ńirde sút óndirisi 26 paıyzǵa ósken.
Sonymen qatar Prezıdentke ónerkásip salasyndaǵy jobalar týraly da aıtyldy. Bıyl kirpish zaýyty men temir beton buıymdary, irimshik shyǵaratyn sút zaýyty ashyldy. Qaǵaz ónimderin shyǵaratyn fabrıka men avtoklavty gazobloktar kásiporny iske qosylmaq. AJT, elektr qalqanynyń jabdyqtary jáne jeńil temir qurylysy syndy jobalardy iske asyrý bastalady.
Jańa oqý jylynda M.Qozybaev atyndaǵy Soltústik Qazaqstan ýnıversıtetinde zamanaýı zerthanalarmen jabdyqtalǵan oqý-zerthanalyq korpýs ashylady. Álemdegi úzdik 100 joǵarǵy oqý oryndarynyń biri – Arızona ýnıversıtetimen birigip, qos dıplomdy bilim alýǵa stýdentterdi qabyldaý alǵash ret júrgizildi.
Oblysta bıyl 401 myń sharshy metr turǵyn úı paıdalanýǵa beriledi. Aımaqtaǵy joldardy jóndeýge bıyl 22 mıllıard teńge bólingen. Bul qarjyǵa 663 shaqyrym jol jóndeledi. Sonymen qatar 55 aýylda sý qubyryn tartý jumystary júrgizilip jatqany týraly málimet berildi.
Sondaı-aq Qasym-Jomart Toqaev egin jınaý naýqanyn josparǵa saı oryndaýdy jáne oblystaǵy ózge de jobalardy odan ári jalǵastyrýdy tapsyrdy.
