Ertas Besirovtyń aıtýynsha, «Nurkent» shaǵynaýdanynda ústel tennısi ortalyǵy ashyldy. Ortalyqtyń negizgi zaly - 20, jattyǵý zaly - 8 tennıs ústelimen jabdyqtalǵan. Zalda kórermenderge arnalǵan 328 oryn bar. Sondaı-aq 2020-2021 jyldary salynǵan fýtbol alańdarynda jattyqtyrýshylar tegin jattyǵýlar ótkizedi.
«Endi Alatau Creative Hub ortalyǵynda balalar tegin úıirmeler men seksııalarǵa qatysa alady. Sport jáne mádenıet baǵyttary boıynsha tegin oqytatyn 9 aýla klýby jumys isteıdi. Al, «Alatau Creative Hub» mádenı-bilim berý ortalyǵy balalardy tegin úıirmelerge qabyldaıdy», dedi ol.
Onyń aıtýynsha, jaqynda aýdan turǵyndarymen sporttyq jáne shyǵarmashylyq úıirmelerin ashý úshin mádenıet úıiniń ǵımaratyn satyp alý máselesi talqylanǵan. Menshik ıesimen ǵımaratty satyp alý úshin qujattamany resimdeý boıynsha jumystar júrgizilýde. Ǵımaratty satyp alǵannan keıin Almaty qalasynyń tıisti basqarmalarymen birlesip úıirmeler ashý josparlanýda.
Budan bólek, «Shyńǵa órleý» jáne «Belsendi uzaq ómir» áleýmettik ortalyqtary bazasynda birlesken úıirmeler ashý kózdelgen.
